Reseıdiń Joǵarǵy soty tálipterdi lańkestik uıymdar tiziminen alyp tastady

1168
Adyrna.kz Telegram

Reseı Joǵarǵy soty “Talıban” qozǵalysynyń eldegi qyzmetine tyıym salýdy toqtatyp, radıkaldy aǵymdy terrorıstik uıymdar tiziminen alyp tastady. Osylaısha, Joǵarǵy sot Reseı Federaııasy Bas prokýratýrasynyń shaǵymyn qanaǵattandyrdy. Bul týraly RBK jazdy, dep habarlaıdy “Adyrna” ulttyq portaly.

Basylymnyń naqtylaýynsha, sheshimdi sýdıa Oleg Nefedov jarııalaǵan otyrys jabyq rejımde ótken, sondyqtan talap-aryzdyń egjeı-tegjeıi belgisiz. Tek jýrnalısterge sot sheshimi dereý oryndalýy tıis ekeni aıtylǵan.

Aıta keteıik, «Talıban» 2003 jyldan beri Reseıdiń terrorıstik uıymdar tiziminde bolǵan. Ol kezde bul uıymnyń Sheshenstandaǵy zańsyz qarýly qurylymdarmen baılanysy bar dep kórsetilgen jáne terrorlyq ádisterdi qoldanatyny aıtylǵan. Sondaı-aq, qozǵalys Ýsama ben Ladenniń qoldaýymen Ortalyq Azııa elderinde, sonyń ishinde Ózbekstan, Tájikstan jáne Qyrǵyzstanda bılikti basyp alýǵa umtylǵany týraly málimetter bolǵan.

Alaıda endi Joǵarǵy sot «Talıbandy» qara tizimnen alyp tastady. RBK-nyń málimetinshe, bul — ótken jyly «Terrorızmge qarsy is-qımyl týraly» federaldyq zańǵa engizilgen túzetýlerden keıin mundaı mártebege ıe bolǵan alǵashqy uıym. Bul túzetýlerge sáıkes, eger uıym terrorızmdi nasıhattaý, aqtaý, qoldaý nemese osyndaı qylmystardy jasaýdy toqtatsa, onyń qyzmetine tyıym salý sot sheshimimen toqtatylýy múmkin. Inııatıva avtorlary bul mehanızm zańdaǵy olqylyqty joıý úshin qajet dep túsindirgen.

Ótken jyldyń qarashasynda, bul zańnamalyq túzetýler qaralmaı turyp, Reseı Qaýipsizdik keńesiniń hatshysy Sergeı Shoıgýdyń Aýǵanstannyń vıe-premeri Abdýl Ǵanı Baradar Ahýndpen kelissóz júrgizgeni habarlanǵan. Kelissóz barysynda reseılik saıasatker Reseı Aýǵanstanmen ekijaqty yntymaqtastyqty damytýǵa daıyn ekenin jáne «Talıbandy» terrorıstik uıymdar tiziminen shyǵarý josparlary bar ekenin, bul saıası jáne ekonomıkalyq baılanysty nyǵaıtýǵa baǵyttalǵanyn aıtqan.

Eske salsaq, 2003 jyly BUU Qaýipsizdik keńesi «Talıbandy» terrorıstik uıymdar tizimine engizgen. Sol jyly Reseı de qozǵalysty osyndaı tizimge qosqan bolatyn.

2021 jyldyń tamyzynda «Talıban» Aýǵanstanda bılikti basyp aldy jáne sodan beri halyqaralyq moıyndaýǵa qol jetkizýge tyrysyp keledi. Sol jyldyń qazanynda Reseı prezıdenti Vladımır Pýtın «Talıbandy» terrorıstik uıymdar tiziminen shyǵarý máselesi qarastyrylyp jatqanyn, biraq bul qadamdy aldymen BUU Qaýipsizdik keńesi jasaýy kerek ekenin aıtqan.

Sol kezde Reseı Syrtqy ister mınıstrliginiń Azııa elderi boıynsha ekinshi departamentiniń dırektory Zamır Kabýlov reseılik bılik tarapynan qozǵalysty «de-fakto» taný proesi júrip jatqanyn málimdegen. Tyıym salynǵan qozǵalys ókilderi Reseıge iskerlik jáne jeke saparlarmen turaqty túrde kelip júrgen.

Реклама
  • ИП Попов А.П.
  • ИНН: 602715631406
Вот, что излечит ваши запястья даже в 75 лет! Нужно взять...
Реклама
  • ИП Попов А.П.
  • ИНН: 602715631406
Запор уйдет за пару часов благодаря этому дедовскому методу!
Реклама
  • ИП Попов А.П.
  • ИНН: 602715631406
Бегайте в 65 как в 20! Восстановите суставы этим средством...
Pikirler