«Adyrna» ūlttyq portalynyŋ kezektı sūhbaty Almaty oblysy TJD bastyǧy, polkovnik Toichubekov Asqar Tasbulatūlymen boldy.
- Almaty oblysynyŋ TJD qaramaǧynda qandai jabdyqtar men tehnikalar bar, olardyŋ sany qanşa? Jetkılıktı me? Jaŋasyn alu josparda joq pa?
-Almaty oblysynyŋ TJD qaramaǧynda negızgı ört söndıru, arnaiy jäne qosalqy avtokölıkterınen tūratyn 249 bırlık tehnika jäne 117 bırlık avariialyq qūtqaru qūraldary bar. Üstımızdegı jyly jergılıktı biudjet esebınen 8 bırlık tehnika (onyŋ ışınde 5 bırlıgı ört söndıru tehnikasy, 1 bırlıgı vahtalyq avtobus, 1 bırlıgı ötımdılıgı joǧarǧy avariialyq-qūtqaru avtokölıgı) jäne 2 bırlık gidravlikalyq qūral jinaǧyn satyp alu josparlanyp otyr.
2014-2020 jyldar kezeŋınde jergılıktı biudjet esebınen 56 bırlık tehnika jäne 107 bırlık avariialyq-qūtqaru jabdyǧy satyp alyndy, būl kölık qūraldarymen jaraqtandyrudyŋ tiesılık normasynyŋ 40,8%-ǧa (2014 jyly būl körsetkış 22,3% - dy qūrady) jäne qūtqaru jabdyqtarymen jaraqtandyrudy 44,4%-ǧa (2014 jyly 10,7%) jetkızuge mümkındık berdı.
-Bügınde Almaty aimaǧynyŋ qauıpsızdıgıne jauapty departamentte qanşa qyzmetker bar? Qanşa adam kündelıktı jauyngerlık kezekşılıkte?
-Bügıngı künı Departament ştatynda 1 163 adam jūmys ısteidı, onyŋ ışınde jauyngerlık kezekşılıkke jūmyldyrylatyny 896 adam (şamamen kıündelıktı 172-den, 224 adamǧa deiın).
-Ötken jylmen salystyrǧanda aimaqta tuyndaǧan örtterdıŋ aiyrmaşylyǧy qanşalyqty, zardap şekkenderdıŋ sany azaidy deuge kele me? Olardyŋ arasynda balalar bar ma (salystyru üşın sandardy körsetıŋız).
-2021 jyldyŋ 7 aiynda oblys kölemınde ötken jylmen salystyrǧandaǧy tuyndaǧan örtterdıŋ sany 9,6%-ǧa azaiǧan (2021 jyly 503, 2020 jyly 557 ört tırkelgen). Örtterdıŋ saldarynan zardap şekkenderdıŋ sany 45,4%-ǧa (2021 jyly – 6, 2020 jyly - 11 adam) azaiǧanymen, ökınışke orai qaza bolǧandar sany 50%-ǧa artqan (2021 jyly – 24, 2020 jyly - 16 adam). Ört kezınde 4 bala zardap şektı (balalar arasynda qaza bolǧandar joq).
-Pandemiia Almaty TJD qūtqaruşylarynyŋ jūmysyna qalai äser ettı?
-Koronavirustyq infeksiiaǧa bailanysty pandemiiaǧa qaramastan, oblys aumaǧynyŋ qauıpsızdıgın qamtamasyz etu boiynşa jūmystar ırkılıssız qamtamasyz etıledı. Qūtqaruşylardyŋ aldyna qoiylǧan tapsyrmalar men mındetterdıŋ barlyǧy tolyǧymen oryndalady. Jeke qūramynyŋ densaulyǧyn saqtauǧa baǧyttalǧan barlyq ıs-şaralar ıske asyryluda.
-Sızdıŋ oiyŋyzşa, qūtqaruşy qandai qasietterge ie boluy kerek? Jastar ört söndıru jäne qūtqaru bölımşelerıne qosyluǧa daiyn ba? Būl mamandyqqa sūranys qanşalyqty?
-Qūtqaruşylar eŋ aldymen otansüigıştık, batyldyq, parasattylyq jäne janqiiarlyq qasietterge ie boluy kerek. Qūtqaruşy mamandyǧyna qyzyǧuşylyq jastar arasynda jyldan jylǧa artuda. Atap aitsaq QR TJM tarapynan Almaty oblysyna Mälık Ǧabdullin atyndaǧy azamattyq qorǧau akademiiasyna 2021 jyly oquǧa tüsuge bölıngen 11 orynǧa 184 (2020 jylmen salystyrǧanda 2 esege artyq, 91 ümıtker) ümıtkerden oquǧa qabyldau turaly ötınış kelıp tüstı. Sonymen qatar jyl basynan 83 adamnan ört söndıru jäne qūtqaru bölımşelerıne jūmysqa ornalasu boiynşa ötınış tüsken. Bügıngı künge ofiser jäne qatardaǧy jauynger lauazymdaryna bos oryndar joq.
Äŋgımelesken: Dina LİTPİN,
«Adyrna» ūlttyq portaly
Ūqsas jaŋalyqtar
