«Adyrna» ulttyq portalynyń kezekti suhbaty Almaty oblysy TJD bastyǵy, polkovnık Toıchýbekov Asqar Tasbýlatulymen boldy.
- Almaty oblysynyń TJD qaramaǵynda qandaı jabdyqtar men tehnıkalar bar, olardyń sany qansha? Jetkilikti me? Jańasyn alý josparda joq pa?
-Almaty oblysynyń TJD qaramaǵynda negizgi órt sóndirý, arnaıy jáne qosalqy avtokólikterinen turatyn 249 birlik tehnıka jáne 117 birlik avarııalyq qutqarý quraldary bar. Ústimizdegi jyly jergilikti bıýdjet esebinen 8 birlik tehnıka (onyń ishinde 5 birligi órt sóndirý tehnıkasy, 1 birligi vahtalyq avtobýs, 1 birligi ótimdiligi joǵarǵy avarııalyq-qutqarý avtokóligi) jáne 2 birlik gıdravlıkalyq qural jınaǵyn satyp alý josparlanyp otyr.
2014-2020 jyldar kezeńinde jergilikti bıýdjet esebinen 56 birlik tehnıka jáne 107 birlik avarııalyq-qutqarý jabdyǵy satyp alyndy, bul kólik quraldarymen jaraqtandyrýdyń tıesilik normasynyń 40,8%-ǵa (2014 jyly bul kórsetkish 22,3% - dy qurady) jáne qutqarý jabdyqtarymen jaraqtandyrýdy 44,4%-ǵa (2014 jyly 10,7%) jetkizýge múmkindik berdi.
-Búginde Almaty aımaǵynyń qaýipsizdigine jaýapty departamentte qansha qyzmetker bar? Qansha adam kúndelikti jaýyngerlik kezekshilikte?
-Búgingi kúni Departament shtatynda 1 163 adam jumys isteıdi, onyń ishinde jaýyngerlik kezekshilikke jumyldyrylatyny 896 adam (shamamen kiúndelikti 172-den, 224 adamǵa deıin).
-Ótken jylmen salystyrǵanda aımaqta týyndaǵan órtterdiń aıyrmashylyǵy qanshalyqty, zardap shekkenderdiń sany azaıdy deýge kele me? Olardyń arasynda balalar bar ma (salystyrý úshin sandardy kórsetińiz).
-2021 jyldyń 7 aıynda oblys kóleminde ótken jylmen salystyrǵandaǵy týyndaǵan órtterdiń sany 9,6%-ǵa azaıǵan (2021 jyly 503, 2020 jyly 557 órt tirkelgen). Órtterdiń saldarynan zardap shekkenderdiń sany 45,4%-ǵa (2021 jyly – 6, 2020 jyly - 11 adam) azaıǵanymen, ókinishke oraı qaza bolǵandar sany 50%-ǵa artqan (2021 jyly – 24, 2020 jyly - 16 adam). Órt kezinde 4 bala zardap shekti (balalar arasynda qaza bolǵandar joq).
-Pandemııa Almaty TJD qutqarýshylarynyń jumysyna qalaı áser etti?
-Koronavırýstyq ınfekııaǵa baılanysty pandemııaǵa qaramastan, oblys aýmaǵynyń qaýipsizdigin qamtamasyz etý boıynsha jumystar irkilissiz qamtamasyz etiledi. Qutqarýshylardyń aldyna qoıylǵan tapsyrmalar men mindetterdiń barlyǵy tolyǵymen oryndalady. Jeke quramynyń densaýlyǵyn saqtaýǵa baǵyttalǵan barlyq is-sharalar iske asyrylýda.
-Sizdiń oıyńyzsha, qutqarýshy qandaı qasıetterge ıe bolýy kerek? Jastar órt sóndirý jáne qutqarý bólimshelerine qosylýǵa daıyn ba? Bul mamandyqqa suranys qanshalyqty?
-Qutqarýshylar eń aldymen otansúıgishtik, batyldyq, parasattylyq jáne janqııarlyq qasıetterge ıe bolýy kerek. Qutqarýshy mamandyǵyna qyzyǵýshylyq jastar arasynda jyldan jylǵa artýda. Atap aıtsaq QR TJM tarapynan Almaty oblysyna Málik Ǵabdýllın atyndaǵy azamattyq qorǵaý akademııasyna 2021 jyly oqýǵa túsýge bólingen 11 orynǵa 184 (2020 jylmen salystyrǵanda 2 esege artyq, 91 úmitker) úmitkerden oqýǵa qabyldaý týraly ótinish kelip tústi. Sonymen qatar jyl basynan 83 adamnan órt sóndirý jáne qutqarý bólimshelerine jumysqa ornalasý boıynsha ótinish túsken. Búgingi kúnge ofıer jáne qatardaǵy jaýynger laýazymdaryna bos oryndar joq.
Áńgimelesken: Dına LITPIN,
«Adyrna» ulttyq portaly
