1 nauryzda bükıl Qazaqstan boiynşa sirenalar oinaidy. Elımızde azamattyq qorǧaudyŋ eskertu jüiesıne respublikalyq tekseru jürgızıledı, - dep habarlaidy "Adyrna" portalynyŋ tılşısı QR Tötenşe jaǧdailar ministrlıgınıŋ baspasöz qyzmetıne sılteme jasap.
2022 jylǧy 1 nauryzda Düniejüzılık Azamattyq qorǧanys künın merekeleu aiasynda saǧat 09.00-den 12.00-ge deiın azamattyq qorǧaudyŋ eskertu jüiesıne respublikalyq tekseru jürgızu josparlanuda.
"Tötenşe jaǧdailar turaly halyqty eskertu jäne habardar etu tūrǧyndardy kez kelgen apattyŋ jaǧymsyz saldarynan nemese tabiǧat qūbylystarynyŋ ärtürlı faktorlarynyŋ äserınen bolatyn joiqyn äserlerden qorǧauǧa mümkındık beretın negızgı qauıpsızdık şarasy bolyp tabylady. Eskertu jüiesın tekseru kezınde elektr sirenalary men sirena qūrylǧylary qysqa uaqytqa qosylady dep boljanǧan (dauys zoraitqyştar), sondai-aq tele-jäne radioarnalardyŋ efirın ūstap tūru, internet-resurstar men mobildı qosymşalarda aqparatty ornalastyru mümkındıkterı tekserıledı" delındı TJM hatynda.
Qūtqaruşylardyŋ aituynşa, «Nazar audaramyz!» dybystyq signaly qauıp töngen nemese tötenşe jaǧdai kezınde barlyq şūǧyl habarlamalar jıberılgenge deiın halyqtyŋ nazaryn audaru üşın berıletın eskertu signaly bolyp tabylady. Dybystyq signaldy estıgen kezde teledidarlar men radiolardy qosu kerek, būl jaǧdaida qalai äreket etu kerektıgı turaly nūsqaular alu üşın İnternet resurstary men mobildı qosymşalardaǧy aqparatty oqu kerek.
"Sonymen qatar qauıptı öndırıstık obektıler men gidrotehnikalyq qūrylystardaǧy jergılıktı qūlaqtandyru jüielerınıŋ jūmysqa jaramdylyǧy tekserıletın bolady. Eskertu jüiesınıŋ respublikalyq tekseruı dabyl jabdyǧyn ūstauǧa jäne halyqty boluy mümkın tötenşe jaǧdailardan qorǧauǧa baǧyttalǧan", - dep tolyqtyrdy TJM.
"Adyrna" ūlttyq portaly
Ūqsas jaŋalyqtar
