Qyzylorda oblysynyń Aral aýdanynda qatty ystyq pen jaýyn-shashyn mólsheriniń az bolýyna baılanysty qýańshylyq jaǵdaı oryn aldy. Óńirde tótenshe jaǵdaı rejımin jarııalaý josparlanyp otyr, dep jazady sputnik.kz.
Eske salsaq resmı málimetter boıynsha, qazirdiń ózinde 500-den astam mal qyryldy.
"Qyzylorda oblysynyń ákimi Gúlshara Ábdihalyqovanyń tapsyrmasyna sáıkes, qazirgi tańda Aral aýdanynda tótenshe jaǵdaı jarııalaýǵa baılanysty qujattar daıyndalyp jatyr. Osy rejımniń engizilýin negizdeý úshin qajet keıbir zertteýlerdi aıaqtaý ǵana qalady", - dedi Aral aýdany ákiminiń orynbasary Erkin Ábishev.
Ábishevtiń aıtýynsha, Aral aýdanynyń keıbir eldi mekenderi qurǵaqshylyqtan zardap shekken.
"Mamandar shóptiń bıylǵy shyǵymdylyǵyna qatysty aýdandy shartty túrde úsh sanatqa bóldi. Iaǵnı, qyzyl, jasyl, sary. Qyzyl aımaqqa 13 eldi meken endi. Óıtkeni, jaıylymdyq jerleri 90 proentke qurǵap ketken. Al sary aımaqtaǵy eldi mekenderde 30-40 proentti quraıtyn shóp bar. Jasyl túspen belgilengen eldi mekenderde shóptiń shyǵymdylyǵy jaqsy", - dedi Erkin Ábishev.
Gúlshara Ábdiqalyqovanyń tikeleı nusqaýy boıynsha mal azyǵy aýdan sharýashylyqtaryna jetkizilip jatyr.
"Óńirge 51880 jońyshqa jáne 2000 qap jem jetkizildi", - dep túsindirdi Aral aýdany ákiminiń orynbasary.
Sonymen qatar Aral aýdanynda 5 maýsym kúni jem-shóp jármeńkesi uıymdastyryldy. 20 tonna kúrish jemi men 207 tonna jońyshqa qoıyldy. Oblysqa basqa óńirlerden bıdaı men arpa jetkizýge ótinim berildi.
Qazir Aral aýdanynda eski 15 sý qudyǵy tazartylýda. Olardy qalpyna keltirý jaıylymdardaǵy jaǵdaıdy jaqsartýǵa kómektesedi.
