Taliban qozǧalysy Batys elderınen, onyŋ ışınde NATO-ǧa müşe memleketterden, 20 jyldyq soǧys kezınde zardap şekken auǧandyqtarǧa reparasiia töleudı talap ettı, dep habarlaidy "Adyrna" ūlttyq portaly TASS agenttıgıne sıltep.
Talibannyŋ resmi ökılı Zabihulla Mudjahidtıŋ aituynşa, äskeri okkupasiia kezınde zorlyq-zombylyqqa ūşyraǧandarǧa ötemaqy tölenuı tiıs.
Būǧan deiın britandyq The Daily Telegraph gazetı Ūlybritaniianyŋ arnaiy qyzmetı (SAS) Auǧanstandaǧy beibıt tūrǧyndardy, sonyŋ ışınde balalardy qasaqana öltırdı degen aiyptaular turaly jazǧan. Qoǧamdyq tyŋdaular kezınde qūpiia kuäger (N1799 şifrımen belgılı) Ūlybritaniianyŋ arnaiy küşterı jasöspırımder men er adamdardy eşqandai qauıp töndırmese de, nysanaǧa alǧanyn mälımdedı.
"Auǧanstanda tek britandyqtar ǧana emes, Euroodaqtyŋ atynan äreket etken 47 el de äskeri qylmys jasady. Būl ıstı tergeu üşın Gaaga soty arnaiy komissiia qūruy tiıs. Ötemaqy töleumen qatar, olar halyqaralyq sottar aldynda jauap beruı kerek," — dep mälımdedı äskeri sarapşy Zalmai Auǧaniar ToloNews agenttıgıne bergen sūhbatynda.
The Guardian basylymy da britan äskerınıŋ Auǧanstandaǧy äskeri qylmystary turaly mälımetterdı jariialady. Basylymnyŋ mälımetınşe, 2010-2013 jyldar aralyǧynda Gilmend provinsiiasyndaǧy missiialar kezınde kem degende 80 beibıt tūrǧyn qaza tapqan. Bır britandyq sarbaz alty ai ışınde 35 beibıt auǧan azamatyn öltırgen.
Taliban ökılderı Ūlybritaniia jäne basqa NATO elderınen bırneşe milliard dollar kölemınde reparasiia talap etetınderın alǧaş ret 2021 jyldyŋ küzınde mälımdegen edı.
Taliban — Qazaqstanda jäne basqa elderde tyiym salynǧan ūiym.
Ūqsas jaŋalyqtar
