Talıban qozǵalysy Batys elderinen, onyń ishinde NATO-ǵa múshe memleketterden, 20 jyldyq soǵys kezinde zardap shekken aýǵandyqtarǵa reparaııa tóleýdi talap etti, dep habarlaıdy "Adyrna" ulttyq portaly TASS agenttigine siltep.
Talıbannyń resmı ókili Zabıhýlla Mýdjahıdtiń aıtýynsha, áskerı okkýpaııa kezinde zorlyq-zombylyqqa ushyraǵandarǵa ótemaqy tólenýi tıis.
Buǵan deıin brıtandyq The Daily Telegraph gazeti Ulybrıtanııanyń arnaıy qyzmeti (SAS) Aýǵanstandaǵy beıbit turǵyndardy, sonyń ishinde balalardy qasaqana óltirdi degen aıyptaýlar týraly jazǵan. Qoǵamdyq tyńdaýlar kezinde qupııa kýáger (N1799 shıfrimen belgili) Ulybrıtanııanyń arnaıy kúshteri jasóspirimder men er adamdardy eshqandaı qaýip tóndirmese de, nysanaǵa alǵanyn málimdedi.
"Aýǵanstanda tek brıtandyqtar ǵana emes, Eýroodaqtyń atynan áreket etken 47 el de áskerı qylmys jasady. Bul isti tergeý úshin Gaaga soty arnaıy komıssııa qurýy tıis. Ótemaqy tóleýmen qatar, olar halyqaralyq sottar aldynda jaýap berýi kerek," — dep málimdedi áskerı sarapshy Zalmaı Aýǵanıar ToloNews agenttigine bergen suhbatynda.
The Guardian basylymy da brıtan áskeriniń Aýǵanstandaǵy áskerı qylmystary týraly málimetterdi jarııalady. Basylymnyń málimetinshe, 2010-2013 jyldar aralyǵynda Gılmend provınııasyndaǵy mıssııalar kezinde kem degende 80 beıbit turǵyn qaza tapqan. Bir brıtandyq sarbaz alty aı ishinde 35 beıbit aýǵan azamatyn óltirgen.
Talıban ókilderi Ulybrıtanııa jáne basqa NATO elderinen birneshe mıllıard dollar kóleminde reparaııa talap etetinderin alǵash ret 2021 jyldyń kúzinde málimdegen edi.
Talıban — Qazaqstanda jáne basqa elderde tyıym salynǵan uıym.
