Qazaq tılın kemsıtken Qazaqstan ūlttyq qūramasynyŋ bas bapkerı Stanislav Cherchesov synǧa qaldy. Turizm jäne sport ministrlıgı Qazaqstan futbol federasiiasynan tüsınıkteme berudı talap ettı, dep habarlaidy “Adyrna” ūlttyq portaly.
Qazaqstan men Sloveniia matchynan soŋ ötken baspasöz konferensiiasynda tılşılerdıŋ bırı Qazaqstan ūlttyq qūramasynyŋ bas bapkerı Stanislav Cherchesovke qazaq tılınde sūraq qoiamyn dep, mazaqqa qaldy. Bapker tılşıge «sen fransuz tılınde sūraq qoiyp jatsyŋ ba?» dep kemsıtıp, fransuzşa söilei bastady. Bapkerdıŋ äreketı qoǧam tarapynan narazylyq tuǧyzdy. Ministrlık būl jaǧdaiǧa beijai qaramai, Qazaqstan futbol federasiiasyna resmi hat joldady. Hatta memlekettık tıldıŋ märtebesı Qazaqstan Respublikasynyŋ Konstitusiiasy men «Tıl turaly» zaŋyna säikes joǧary tūratyny jäne oǧan barlyq azamattyŋ qūrmet körsetuı kerektıgı aitylǧan. Sonymen qatar federasiiadan osy oqiǧaǧa tüsınıkteme beru jäne S.Cherchesovpen memlekettık tılge qūrmet körsetu turaly tüsındıru jūmystaryn jürgızu talap etıldı. «Bız mūndai jaǧdailardyŋ qaitalanbauyn qamtamasyz etu üşın federasiia tarapynan tiıstı şaralar qoldanyluy kerek dep sanaimyz. Sondai-aq Qazaqstan futbol federasiiasy Ministrlıkke baǧynysty ūiym emes ekenın, tiısınşe onyŋ ışkı mäselelerıne aralasa almaitynyn, degenmen Qazaqstandaǧy sport saiasatyn qalyptastyryp, jürgızetın vedomstvo bolǧandyqtan, tüsınıkteme talap etuge qūqyly ekenın qaperge salamyz», delıngen hatta. Ministrlık osy jazba arqyly elımızdegı özge federasiialardy da memlekettık rämızderge, ūlttyq qūndylyqtarǧa qūrmetpen qarauǧa jäne olarǧa qatysty orynsyz qaljyŋnyŋ aldyn aluǧa şaqyrdy.Ūqsas jaŋalyqtar
