Búgin elimizde jańa Ákimshilik rásimdik-proestik kodeks kúshine endi. Osynyń negizinde Shymkent qalasynda jańadan qurylǵan mamandandyrylǵan aýdanaralyq ákimshilik sot jumysyn bastady. Sottyń saltanatty ashylý rásimine qala ákimi Murat Áıtenov pen qalalyq sottyń tóraǵasy Erbol Rahymbekov jáne quqyq qorǵaý organdarynyń basshylyǵy qatysty.
Qalalyq sotta ótken jalpy otyrysta tóraǵa E.Rahymbekov QR Prezıdentiniń 2021 jylǵy 28 maýsymdaǵy Jarlyǵymen taǵaıyndalǵan sot alqasynyń tóraǵasymen jáne sýdıalarmen tanystyrdy. Tóraǵa sýdıalardy taǵaıyndalýymen quttyqtap, olarǵa júktelgen mindetterdi adal ári jaýapkershilikpen atqarýlaryna tilektestigin bildirdi. Óz kezeginde qala basshysy buǵan deıin Qazaqstanda mundaı kodeks bolmaǵanyn jáne jańa zańnama azamattardyń quqyǵy men múddelerin qorǵaýǵa baǵyttalǵanyn atap ótti. Ákimshilik rásimdik-proestik kodekste ákimshilik rásimder, jeke jáne zańdy tulǵalardyń ótinishterin qaraý tártibiniń talaptary qamtylǵan. Endi memlekettik organdar men uıymdarǵa júgingen árbir azamattyń ótinishi kodeks normalarymen qorǵalyp, elimizdegi ákimshilik quqyqtyq qatynastar jańa deńgeıge kóterildi. Ákimshilik sot Shymkent q, Tynybaev kóshesi, 42, mekenjaıyndaǵy mamandandyrylǵan sottar ǵımaratynda ornalasqan.
Nazken Skandar
