Jastar - ult úmitin arqalaǵan el erteńi. Úmitti irkiltpeı, senimdi sapaly aqtaý sol býynnyń paryzy. Olar qazirgi qoǵamnyń jetekshi kúshi retinde elimizdiń damýy úshin jaýapty ekeni málim. Elimizdiń tarıhy men mádenıetiniń taǵdyry, damýy men modernızaııalanýy, jalpy búgini men erteńi de jastarǵa baılanysty. Jastar — qaı zamanda, qaı elde bolmasyn asqaq arman men úmit, bıik ar men ór namystyń sımvoly bolǵan. Elimizdegi jas býyn ókilderi memleketimizdiń jańa kelbetin qalyptastyrady. Olardyń jańa belesterge degen umtylysy jańa ıdeıalardyń týyndaýyna sebepshi bolady. Al, jańa ıdeıa qazaq eliniń jańarýyna baǵyt alyp, “Máńgilik el” bolýyna nyq qadam bastaıdy.
Elbasy, N.Nazarbaev óz joldaýynda: «Men sizder, búgingi jastar, erekshe urpaq ekenderińizdi qaıtalaýdan jalyqpaımyn. Sizde – táýelsiz Qazaqstanda ómirge keldińizder jáne sonda erjetip kelesizder. Jumyla jetken jetistikter rýhyn jáne tabysqa degen umtylýshylyqty boılaryńyzǵa sińirdińizder», - dep paıymdaǵan. Sondyqtan, Qazaqstannyń jańa damý kezeńi–tikeleı jastardyń qolynda.
Jastar – bolashaqtyń jarqyn aınasy ispetti. Bul sózdiń maǵynasyna úńilsek, «eńbek» degen uǵymmen baılanysyp jatqanyn uǵasyz. «Eńbektiń nany tátti» dep beker aıtylmasa kerek. Qaı salany alsaq ta, mereıin ústem etken úkili azamattar ay terin syǵýmen bıikterge jetken. Máselen, óner salasynda betke ustar qabiletti de qarymdy Dımash Qudaıbergenovtyń bir ózi tóbe emes pe?! Ol - Qytaı elinde uıymdastyrylǵan halyqaralyq «Im a singer» baıqaýynyń jeńimpazy. Sonymen qatar, Erjan Maksım, Danelııa Túleshova syndy myqty ánshi balapandar úlken sahnalardy baǵyndyryp, jarystardan oljaly oraldy. «Novaıa volna 2021» baıqaýynda Jan Makım ulymyz qazaq eliniń kók týyn aspanda qalyqtatyp keldi. «Junior Eurovision 2020» baıqaýynda taǵy bir jerlesimiz Qaraqat Bashanova II oryndy ıelendi.
Vıtebskte ótken «Slavıanskıı bazar» halyqaralyq festıvaliniń Gran-prı júldesin jerlesimiz, ánshi Rýhııa Baıdýkenova jeńip aldy. Keıbir qatysýshylar úshin bul shynymen qıyn synaq bolyp shyqty. Oǵan qaramastan úzdikterdiń úzdigi bolyp, sýyryla shyqqan Rýhııany jeńisimen shyn júrekten quttyqtaı otyryp, óneriniń ushtala berýin tileımiz!
Tokıoda ótip jatqan Olımpıada oıyndarynda Qazaqstan halqynyń atyn shyǵaryp, qola júldegeri atanǵan aýyr atlet Igor Son – 2015 jyly Jetisý tórinde ótken Almaty oblysy ákiminiń «Kóshbasshy» jastar syılyǵynyń «Úzdik jas sportshy» nomınaııasyn, sondaı-aq, Grek-rım kúresinen Azııa chempıony Demeý Jadraev – 2017 jyly «Úzdik jas sportshy» nomınaııasyn ıelengen.
Taǵy bir jerlesimiz – Nazarbaev zııatkerlik mektebiniń 12 synyp oqýshysy, álem boıynsha 55 myń úmitkerdiń ishinen top jaryp, Garvard ýnıversıtetiniń oqý grantyna ıe bolǵan Sezim Ertanatov. Ol óziniń arman-maqsattaryna eńbek pen bilimniń arqasynda qol jetkizdi. Elimizdiń erteńi, memleketimizdiń jarqyn bolashaǵy bilimdi de, bilgir jastardyń qolynda. Jetisýlyq jastarymyzdyń jetken jetistikteri munymen ǵana shektelmeıdi.
Bolashaqta zor úmit kúttiretin aıbyndy jastarymyz aman bolsyn!
Búginde jastar qoǵamnyń qozǵaýshy kúshi retinde ozyq ıdeıalarymen qarýlanyp, elimizdiń damyp, órkendeýine barsha úles qosyp keledi.
Almaty oblysynyń ákimi Amandyq Ǵabbasuly Batalovtyń bastamasymen aýdandarda Jastarǵa qyzmet kórsetý ortalyqtaryna arnalǵan mekemeler boı kótermek.
Almaty oblysynyń aýdandyq jáne qalalyq máslıhattarynyń 65-i, al oblystyq máslıhattaǵy 37 depýtattyń 6-y jastar. Iaǵnı, barlyǵy 71 jas depýtattarymyz bar. Osyny eskere otyryp, jastarmen turaqty túrde baılanys jasap, túıtkildi máseleleriniń sheshimin tabýǵa úles qosatyn «Oblystyq jas depýtattar» lıgasyn qurdyq. Kelesi kezekte nazarlaryńyzda myna máselege burǵym keledi: elimiz egemendik alǵannan kúni búginge deıin óńirimizdegi balalar úıinen 1541 túlek shyqqan. Olarmen tyǵyz baılanysta bolyp, qoǵamda óz ornyn tabýǵa, tulǵalyq damýyna qoldaý kórsetý ózekti máselelerdiń biri bolyp tabylady. Bul rette, biz «Almaty oblysynyń balalar úıi túlekteriniń» qaýymdastyǵyn qurýdy jón kórdik. Qaýymdastyq maqsaty balalar úıindegi jáne postınternattyq ómirdi qadǵalaýǵa, balalar úıinen shyqqan túlekterdi jumyspen qamtýǵa jáne psıhologııalyq qoldaý kórsetýge baǵyttalǵan.
Kelesi nazarlaryńyzǵa usynatyn jobalar jastardyń bos ýaqytyn tıimdi úılestirý, margınal jáne NEET sanatyndaǵy jastarmen jumys júrgizý jáne jastardy áleýmettendirý baǵytyna negizdelgen. «Namys» jobasy aıasynda tanymal sportshylarmen kezdesýler, sheberlik saǵattary uıymdastyryldy. Sharaǵa margınal, devıantty, jumyssyz jastar jáne qandastar qatysty. Jetisý Jaıdarman lıgasy oblys aýmaǵynda 7000 jasty qamtyp, ár aımaqtaǵy kóńildi tapqyrlardyń basyn qosty. Nátıjesinde, respýblıkalyq lıgalarda shamamen 30 komanda óner kórsetedi dep kútilýde.
Qazaqstan Respýblıkasynyń Prezıdenti aǵymdaǵy jyldyń 5 qańtaryndaǵy «Táýelsizdik bárinen qymbat» maqalasy aıasynda «Táýelsizdik urpaqtary» grantyn taǵaıyndaý týraly» qaýlysyn qabyldaǵan. Joba aıasynda memleket tarapynan san túrli salada daryndy jastarǵa granttar taǵaıyndalady. Igi is oblysymyzda da jalǵasyn tappaq. «Jas ǵalym» jobasy óńir jastarynyń ǵylymı áleýetin arttyrýǵa, jas kásikerlerdiń tulǵalyq jáne kásibı damýyna septigin tıgizedi. Ǵylymı jobalardyń baıqaýyna Almaty oblysynyń ǵylymı tanymy men qyzyǵýshylyǵy bar kez-kelgen jastary qatysa alady. Al, «Jas talant» - óner baıqaýy. Óńirdegi shyǵarmashyl jastardy iriktep qana qoımaı, túrli mádenı baǵyttarǵa qyzyǵýshylyǵy bar jastardy qoldaý arqyly, ońdy qoǵamdyq pikirlerin qalyptastyrýǵa úles qosady.
Bıylǵy jyl jańa bastamalarymen, tyń serpilisterimen tańqaldyrýdan jalyqpaıdy. Pandemııa ýaqytynda aýyrtpalyqtarǵa qaramastan, jumyla jumys istegen erikti jastarymyz da jańa ǵasyrdyń batyrlary bolatyny anyq.Osynyń aıasynda «Qaıyrymdy ister» marafony bastamasyn Memleket basshysy Qasym-Jomart Toqaev kótergen bolatyn. 2020 jyldyń jeltoqsan aıynda Volonter jylynyń jabylý rásiminde Prezıdent Qazaqstan Táýelsizdiginiń 30 jyldyǵy aıasynda jalpyulttyq deńgeıde «Qaıyrymdy ister marafony» uıymdastyrylatynyn aıtty.
Almaty oblysy Jastarǵa qyzmet kórsetý ortalyǵynda «Meıirimdi Jetisý» oblystyq front-ofısi resmı túrde ashylyp, azamattardy volonterlikke tartý, kómekke muqtaj jandarǵa áleýmettik kómek kórsetý maqsatynda jumystar atqarylyp jatyr. 17 aýdan men 3 qalada óńirlik front-ofısterdiń qyzmetkerleri volonterlerdi kóbirek tartý úshin belsendi úgit-nasıhat qyzmetin júrgizedi.
Oblysymyzdyń volonterlik toptary judyryqtaı jumylyp, pandemııa órship turǵan kezde demeýshilerdi tartý arqyly 30 000-nan astam otbasyǵa ár túrli kómek kórsetti, 100 000-nan astam betperde taratty, 9000-ǵa jýyq qaıyrymdylyq akııalaryn uıymdastyrdy.
Nátıjesinde, oblysymyzdyń belsendi 15 volonteri Qazaqstan Respýblıkasy Prezıdenti Q.Toqaevtyń «Halyq alǵysy» medalimen marapattaldy.
2021 jyly Qazaqstan Respýblıkasynyń 30 jyldyq mereıtoıy aıasynda «Volonter jylynyń» jalǵasy retinde «Qaıyrymdy ister marafony» jalpyulttyq jobasy júzege asyrylyp jatyr.
Joba aıasynda azamattardy qaıyrymdylyq jasaýǵa tartý, volonterlikti damytý maqsatynda ár túrli aqparattyq nasıhat jumystary júrgizildi. Osy oraıda, jyl basynan eriktiler uıymdarynyń sany ulǵaıyp, 95 birlikti qurady, 7 myń erikti tirkeldi (2021 jyl basynda 36 uıym, 4012 erikti).
Jastardyń bastamalaryn qoldaýǵa arnalǵan memlekettik áleýmettik tapsyrys kólemi 2 esege kóbeıtilip, 2021 jyly 76 mln. teńge bólindi.
Memleket basshysy aıqyndaǵan eriktiliktiń jeti baǵyty jáne «Qaıyrymdy ister marafony» aıasynda oblysta 1216 akııa ótkizildi. Muqtaj bolǵan 75 otbasy baspanaly bolyp, 9 myń otbasyna 170 mln. teńgege azyq-túlik sebetteri taratyldy.
«Birgemiz Taza álem» jobasy aıasynda 50 myń adamnyń qatysýymen 134 ekologııalyq akııa uıymdastyrylyp, 41,8 myń túp aǵash otyrǵyzyldy. «Egov – jarshysy» jobasy aıasynda 100 erikti ózine-ózi qyzmet kórsetý buryshtarynda turǵyndarǵa qyzmet atqardy.
Tótenshe jaǵdaı kezinde bizdiń eriktiler muqtaj jandarǵa jedel kómek kórsetip, joǵary azamattyq ustanym tanytty. Shilde aıynyń 9-11 kúnderi Qapshaǵaı qalasy, «Baldaýren» oqytý-saýyqtyrý ortalyǵynda, «Qaıyrymdy ister marafony» jalpyulttyq jobasy aıasynda sanıtarlyq epıdemıologııalyq talaptardy saqtaı otyryp, «ASYL JUREK» eń úzdik volonterlik toptar kóshbasshylarynyń dástúrli respýblıkalyq sleti uıymdastyryldy.
Bul isterdiń barlyǵy jastardyń áleýetin kóterýge, bastamalaryn damytýǵa jáne jańa baǵyttarǵa jol silteýge arnalady.
«Adamdyq qalypty bıik ustaý – kimge de bolsa úlken syn. Adamgershilik degen asyl qasıetti alasartyp almasaq eken. Ómir ózegi osy, azamattyq joly da osy»,– dep Dinmuhamed Ahmetuly babamyz bizderden zor úmit kútkendeı, bizder de jastarǵa júk qylyp adal da, abyroıly, eń bastysy, adam bolsyn degen asqaq senimdi artamyz.
