Bügın Semeidegı Vodnyi kentınde «Keleşek mektepterı» jobasy aiasynda 600 oryndyq jaŋa mektep paidalanuǧa berıldı. Nysannyŋ aşylu saltanatyna oblys äkımı Berık Uäli, Qazaqstannyŋ Eŋbek Erı, ūlaǧatty ūstaz Alma Şükıjanova qatysty.
Vodnyi kentınıŋ balalary endı eŋselı de zamanaui ǧimaratta bılım alady. Būl – «Keleşek mektepterı» jobasy şeŋberınde boi kötergen Semei qalasyndaǧy ekınşı, al Abai oblysy boiynşa üşınşı mektep.
Üş qabatty mektepte 28 oqu kabinetı, fizika, himiia, biologiia, robototehnika, grafika jäne modeldeu bölmelerı, aǧaş jäne metall öŋdeu, tıgın jäne kulinariia şeberhanalary bar. Sonymen qatar akt zaly, ashana, 7 zerthana, kıtaphana, oqu zaly men kovorking aimaqtary qarastyrylǧan. Aulada futbol, voleibol, basketbol alaŋdary, jügıru jolaqtary men sport zaly bar.
Mektep bır auysymda, memlekettık tılde bılım beredı. 1-11 synyp aralyǧynda 22 synyp-komplekt jäne 1 mektepaldy daiarlyq synyp aşylady.
Saltanatty şaraǧa qatysqan aimaq basşysy ūstazdar men ata-analardy, oquşylardy aituly oqiǧamen qūttyqtady.
«Elımızde Memleket basşysy Qasym-Jomart Kemelūly Toqaevtyŋ bastamasymen jüzege asyp jatqan «Keleşek mektepterı» ūlttyq jobasy aiasynda köptegen jaŋa oqu oryndary salynyp jatyr. Bızdıŋ öŋırımızde de bırneşeuı boi köterdı. Osyndai kelelı bastamalar arqyly balalarǧa qolaily, qauıpsız, zamanaui bılım beru ortasyn qalyptastyruǧa baǧyttalǧan jüielı qadamdy köruge bolady. Sonyŋ aiqyn körınısı – bügın Semei qalasynyŋ Vodnyi kentınde boi kötergen 600 oryndyq jaŋa mektep. Būl – ūstazdyŋ armanyn, ata-ananyŋ senımın, balanyŋ ümıtın toǧystyrǧan ortaq quanyş. Bügıngı aşylǧan mektep – bolaşaqqa degen senımnıŋ simvoly. Barşaŋyzdy jaŋa oqu jylynyŋ bastaluymen şyn jürekten qūttyqtaimyn», – dedı oblys äkımı.
Aimaq basşysy mekteptıŋ synyptaryn, ashana, sport zaldy körıp, oquşylarmen, mūǧalımdermen pıkırlestı.
«Vodnyi kentınde mūndai zamanaui mektep bolmaǧan. Tūrǧyndar ūzaq jyl boiy küttı. Öte quanyştymyz. Barlyq tūrǧyndardyŋ atynan şyn jürekten alǧys aitamyz. Mektebımız ülken bılım ordasy bolsyn. Tülep ūşqan şäkırtterımız eldıŋ maqtanyşyna ainalsyn», – dedı Vodnyi kentınıŋ tūrǧyny Sovet Toǧyzbaev.
Qazırgı uaqytta oblysta «Keleşek mektepterı» ūlttyq jobasy aiasynda ekı mektep salynyp jatyr. Aiagöz qalasyndaǧy 600 oryndyq mektep 2-ınşı toqsanda paidalanuǧa berılmek. Semeidıŋ Şyǧys kentınde 300 oryndyq mekteptıŋ qūrylysy jürgızılude. Jalpy oblystaǧy 8200 oryn tapşylyǧynyŋ 31 paiyzy osy jobamen salynyp jatqan 5 mektep esebınen şeşılmek. Qalǧan tapşylyqty joiu üşın respublikalyq biudjet esebınen aldaǧy üş jylda 11 mektep salu josparlanǧan.
Apatty jaǧdaida dep tanylǧan üş mekteptıŋ mäselesı de kezeŋ-kezeŋımen şeşılıp keledı. Jarma audanynyŋ Suyqbūlaq auylynda 100 oryndyq jaŋa mekteptıŋ qūrylysy bastaldy. Aqsuat audanyndaǧy Ekpın auylynda 300 oryndyq mekteptıŋ qūrylysy bastalady. Semeidegı №11 mekteptıŋ ornyna jaŋa mektep saluǧa qūjat äzırlenıp jatyr.
Abai oblysynda 304 mektep bar. Bılım oşaqtarynda 101 myŋnan astam bala bılım alady. 12 myŋnan astam ūstaz eŋbek etedı. Biyl 10 myŋnan asa büldırşın alǧaş ret 1-synypqa barady.
