Sifrlyq damu, innovasiialar jäne aeroǧaryş önerkäsıbı ministrı Jaslan Mädiev reseilık Telegram qosymşasynyŋ negızın qalauşy Pavel Durovtyŋ Qazaqstanǧa ne üşın kelgenın aitty. Būl turaly ol Parlament palatalarynyŋ bırlesken otyrysy aldynda mälımdedı, dep habarlaidy “Adyrna” ūlttyq portaly.
«Pavel Durov osynda jür, Qazaqstandy körgısı keledı. Özge qalalarda da (Astanadan basqa – red.) boluy mümkın. Qazır jospardy pysyqtap jatyrmyz. Öte qyzyǧuşylyqpen kelıptı. Būiyrsa, keleşekte tabysty jobalardy ıske asyramyz dep oilaimyn. Äzırşe qazır naqty jobalar turaly eşteŋe aita almaimyn. Bıraq oǧan Qazaqstannyŋ ūnauy üşın, būl jaqtan bırlesken tehnologiialyq boiynşa ülken keleşek köruı üşın bärın jasaimyz. Jūmys ısteimız», - dedı ministr Parlament palatalarynyŋ bırlesken otyrysy aldynda.
Sondai-aq, ol Qazaqstanda Pavel Durov negızın qabyldaǧan qosymşasyn 10 millionnan astam adam qoldanatynyn aitty.
Aita ketsek, būǧan deiın Pavel Durov Fransiia azamattyǧyn alǧanyn jariialap, jaz boiy Ortalyq Aziiaǧa baratynyn aitqan edı.
Būǧan deiın Qazaqstannyŋ sifrlyq damu ministrı Jaslan Mädiev Pavel Durovty Qazaqstanǧa şaqyrǧan bolatyn.
Bırneşe apta būryn qyrǧyz būqaralyq aqparat qūraldary onyŋ Ystyqkölge barǧanyn habarlaǧan. Keşe, 27 mausymda ol Astanaǧa kelgen.
Ūqsas jaŋalyqtar
