Qazaqstanda respublikalyq ruhani-aǧartuşylyq baǧyttaǧy MUNARA TV telearnasy aşyldy, dep habarlaidy "Adyrna" ūlttyq portaly Stan.kz aqparat agenttıgıne sılteme jasap.
OTAU TV ūlttyq jerserıktık televiziia jelısınde 49-şy bolyp tırkelgen telearna Qazaqstan mūsylmandary dıni basqarmasy bazasynda qūryldy dep habarlady QMDB-nyŋ aqparat jäne qoǧammen bailanys bölımı.
"Endı Qazaqstan mūsylmandary dıni basqarmasynyŋ televiziia salasyndaǧy aqparattyq-nasihat jūmystary osy MUNARA TV telearnasy arqyly taratylady. MUNARA TV halyqtyŋ dıni sauatyn arttyrudy, jas körermen boiyna imandylyq, adamgerşılık, patriotizm syndy qūndylyqtardy qalyptastyrudy közdeidı", – delıngen dıni basqarma taratqan aqparatta.Sondai-aq telearna onlain därıs ūiymdastyrudy, özektı mäseleler töŋıregınde tıkelei efirde jauap berudı josparlap otyr. Qazaqstan mūsylmandary dıni basqarmasynyŋ MUNARA respublikalyq ruhani-tanymdyq gazetı bar. Keleşekte MUNARA FM radiosyn aşu josparlanǧan. Dıni basqarmanyŋ töl telearnasy men radiosyn aşu 2020-2025 strategiialyq damu baǧdarlamasynda jazylǧan. 2020 jyldyŋ qaraşasynda Qazaqstan mūsylmandary dıni basqarmasy "Asyl arnanyŋ" jabylyp, "Halyq arna" telearnasynyŋ aşylǧanyn mälımdedı.
"Adyrna" ūlttyq portaly
Ūqsas jaŋalyqtar
