Coursera bas direktory Djeff Madjonkalda Coursera bılım beru platformasyndaǧy Qazaqstannyŋ jetıstıkterıne toqtaldy. Būl turaly ol Düniejüzılık ekonomikalyq forumda aitty, dep habarlaidy “Adyrna” ūlttyq portaly.
Davosta Düniejüzılık ekonomikalyq forumnyŋ 54-şı jyl saiynǧy otyrysy ötude. Is-şaraǧa 60-tan astam memleket jäne ükımet basşylary, 300-ge juyq ministrler jäne basqa da saiasi köşbasşylar qatysuda.
«The Race to Reskill» talqylauynda generativtı jasandy intellekttıŋ äserı, jūmys oryndaryna sifrlyq transformasiia, adamdar men mekemelerdıŋ qazırgı ekonomikada örkendeuı üşın qajet daǧdylar siiaqty taqyryptar talqylandy.
Öz sözınde Coursera bas direktory Qazaqstan turaly Ükımet pen biznes arasyndaǧy institusionaldyq yntymaqtastyqtyŋ tabysty ülgısı retınde aityp, QR Ǧylym jäne joǧary bılım ministrlıgımen ärıptestıktıŋ jetıstıkterımen bölıstı.
«Bız Qazaqstan men QR Ǧylym jäne joǧary bılım ministrlıgımen jūmys ısteu barysynda Ükımet pen biznestıŋ, Ükımet pen joǧary oqu oryndarynyŋ arasyndaǧy yntymaqtastyqty körıp otyrmyz. Ükımet nesie beru jüiesıne qarsy emes, ıs jüzınde 25 türlı memlekettık jäne jeke bılım beru baǧdarlamalaryna 1000 lisenziia bere otyryp, salalyq lisenziialyq sertifikattarǧa subsidiia bölu arqyly demeuşılık jasaidy. Osylaişa, universitetter studentterge qol jetımdı oqu baǧdarlamalaryna özgerıster engıze alatyn mümkındıkterdı köruı maqsatynda qarjylyq kedergıge tap bolmas üşın baǧdarlamany pilottyq ıske qosuǧa demeuşılık jasalady", - dep atap öttı D.Madjonkalda.
Qazır 25 öŋırlık joǧary oqu oryndarynyŋ 47 248 studentı Coursera platformasynda 70 112 kurstan ötıp, sertifikattar aldy. Atap aitqanda, 27 myŋ kurs qazaq tılınde, 2600 kurs aǧylşyn tılınde, 1300-ge juyq kurs orys tılınde öttı. Taŋdalǧan kurstar IT, käsıpkerlık, fizika jäne biznes salalaryn qamtidy. Bügıngı taŋda Coursera-nyŋ 4000-nan astam üzdık kursy qazaq tılıne audaryldy.
Esterıŋızge sala keteiık, 2022 jyldyŋ qyrküiegınde yntymaqtastyqty damytu jäne qazaqstandyq azamattardyŋ jetekşı şeteldık professorlardyŋ kurstaryna qoljetımdılıgın keŋeitu maqsatynda QR Ǧylym jäne joǧary bılım ministrlıgı, QR Sifrlyq damu, innovasiialar jäne aeroǧaryş önerkäsıbı ministrlıgı jäne Coursera kompaniiasy arasynda Özara tüsınıstık turaly memorandumǧa qol qoiyldy.
