Almaty qalasynda bolǧan jol-kölık apatynyŋ ışınde bolǧan azamat Absadykov Abdul-hadidıŋ jūbaiy Gülzira Nūrqadırqyzy ädılettılıktı talap etıp, prezidentke ündeu joldady. Onyŋ aituynşa, joldasy sary tüs janǧan kezde avtobuspen joldan ötken. Alaida būqaralyq aqparat qūraldary Polisiia departamentıne sılteme jasai otyryp, joldasy avtobuspen qyzyl tüs janǧanda joldan öttı degen jalǧan habar taratqan. Oǧan qosa, videoda adamdy basyp ötken äkımşılıktıŋ avtobusy ekenı körınıp tūrsa da, №98 avtobus jolauşyny basyp öltırdı dep jazǧan. Būǧan qatysty tergeu men sot prosesınıŋ qyzmetı jan-jaqty jürgızılmegen, dep habarlaidy "Adyrna" ūlttyq portaly.
Ötken jyldyŋ qaraşa aiynda Almaty qalasynda avtobustar soqtyǧysyp, jol-kölık apaty boldy. Qalalyq polisiia qyzmetı apat ornynan beinebaqylau jüielerıne taldau jürgızılgenın habarlady. Taldau derekterı boiynşa, 35 jastaǧy № 98 avtobus jürgızuşısı Abylai han daŋǧylymen oŋtüstık baǧytta kele jatyp, Töle bi daŋǧylymen qiylysta baǧdarşamnyŋ tyiym salu signalyna (qyzyl) şyǧyp ketken. Aqyrynda Töle bi daŋǧylymen şyǧys baǧytta kele jatqan № 201 avtobuspen soqtyǧysqan. № 201 avtobusta 59 jastaǧy jürgızuşı bolǧan.
Degenmen Almaty qalalyq polisiia basqarmasynyŋ mälımdemesımen № 98 avtobusty tızgındegen azamattyŋ jary Gülzira Nūrqadırqyzy joqqa şyǧarady. Jürgızuşınıŋ jūbaiy bırqatar derekterdı alǧa tartyp, Prezident Qasym-Jomart Toqaevqa video-ündeu joldady.
- Qaiyrly keş, Qūrmettı qazaqstandyqtar jäne Prezident Qasym-Jomart Kemelūly Toqaev myrza! Osy ündeuıme qūlaq asularyŋyzdy sūraimyn! Zaŋ bärıne ortaq. Olai bolsa Jol qozǧalysy erejesınıŋ 13-bölımı 8-tarmaǧyna säikes, baǧdarşamnyŋ rūqsat beretın signaly kezınde jol qiylysyna kırgen jürgızuşı jol qiylysynan şyǧudaǧy baǧdarşam signalyna qaramastan, belgılı baǧytqa şyǧady.Jol qozǧalysy erejesınıŋ 13-bölımı 9-tarmaǧyna säikes, baǧdarşamnyŋ rūqsat beretın signaly ıske qosylǧanda jürgızuşı jol qiylysy arqyly jürısın aiaqtaityn kölık qūralyna jäne osy baǧyttaǧy joldyŋ jüru bölıgınde ötudı aiaqtamaǧan jaiau jürgınşıge jol beredı. Däl osy zaŋdy joqqa şyǧaruǧa kım qūqyq berdı? Osy tarmaqtar boiynşa jol qozǧaly erejesınıŋ osy talabyn öreskel būzǧan Abdullaev Azatjan Sadykjanovich küdıktı boluy qajet emes pe? Nege menıŋ joldasymdy qamauda ūstap otyr. Nege baǧdarşamnyŋ aqaulyǧy, 201-şı avtobustyŋ jürgızuşısınıŋ kınäsı eskerılmeidı? Nege menıŋ joldasymdy qauıptı qylmyskerdei barlyq qūqyǧyn şektep otyr? Nege tergeu jäne sot prosesterı bır mäselenı bır jaqty qarap otyr? Nege saraptamaǧa basty sūraqty engızbei otyr? Sebebı, jauap aidan anyq. 201-şı avtobus jürgızuşısınıŋ jol-kölık oqiǧasyn boldyrmauǧa mümkındıgı boldy. Arada 35/40 metr jer bar. Al Abdullaev sol künı köşenı satyp alǧandai baryp soǧa saldy? Jasyl janǧanda adamnyŋ bärın basyp-janşyp öltıre beruge bolady degen zaŋ qaidan şyqty? Jürgızuşıler jol qauıpsızdıgıne köz jetkızbei kölık basqaratyn bolsa elde adam qalmaityn şyǧar. Qūrmettı, qazaqstandyqtar sız bolyp, bız bolyp, ädıletsızdıkpen bırge küreseiıkşı - dedı avtor.
> MR DN:
View this post on Instagram
Sonymen qatar, şaǧymdanuşy būǧan deiın özınıŋ haty men saualdaryna basşylyq tarapynan eşqandai da jauap bolmaǧanyn jetkızdı. Qoǧam men atqaruşy bilıkten Ädılettı Qazaqstandy qūrudyŋ sauatty şeşım talap ettı.
- Ädıldıktı ızdep, men de 3 balamdy alyp, balkonnan sekırıp ketuım kerek pe? Men de Ädılettı Qazaqstan qūru üşın özımdı qūrban etuım kerek pe? Aityŋyzdarşy!? Maǧan taǧy da basqa qandai jol qaldy? - dedı avtor.
"Adyrna" ūlttyq portaly
Ūqsas jaŋalyqtar
