24-25 aqpanda ótken "Design Battle" hakatony onlaın jáne oflaın formatta ótti. Oǵan Qazaqstannyń túkpir-túkpirinen 220-dan astam dızaınerler, al onlaın-translıaııada 150-den astam kórermen qatysty.
Eldiń ár túkpirinen kelgen dızaınerler eki baǵytta óner kórsetti: UX/UI jáne grafıkalyq dızaın. Olar ózderiniń shyǵarmashylyq dızaınyn, sonyń ishinde logotıpterdi, túster palıtrasyn jáne brend stıliniń elementterin, sondaı-aq saıt dızaıny men mobıldi qosymshanyń dızaınyn usynyldy.
Is-shara Halyqaralyq IT ýnıversıtetiniń aýmaǵynda "HATÝ" akıonerlik qoǵamy, "Sábı" qaıyrymdylyq qory jáne Qazaqstan Respýblıkasy ǵylym jáne joǵary bilim mınıstrliginiń qoldaýymen ótkizildi.
Hakatonnyń birinshi kúni etnıkalyq stılde, aıdentıkada jáne dızaınnyń basqa da negizgi aspektilerinde tájirıbesi mol mamandar ótkizgen sheber saǵattaryna arnaldy.
Hakatonnyń ekinshi kúninde qatysýshylar jobalary boıynsha qarqyndy jumys jasady. Nátıjesinde "UX/UI" jáne "grafıkalyq" baǵyttaǵy 70 biregeı joba iriktelip, Keńes Raqyshev, "Sábı" qorynyń prezıdenti Ásel Tasmaǵambetova, HATÝ mamandary jáne dızaın salasyndaǵy táýelsiz sarapshylardan quralǵan bilikti qazylar alqasyna usynyldy.
"UX/UI dızaıny" baǵyty boıynsha jeńimpazdar:
1 oryn-Muqasheva Dılnaz
2 oryn-Mahmatov Rýslan
3 oryn – Raıymqulova Arýjan
"Grafıkalyq dızaın" baǵyty boıynsha jeńimpazdar:
1 oryn-Bulhaıyr Qasymhan
2 oryn – Tyrkesbaev Islam
3 oryn-Mýptekeev Ulan
- "Design Battle" hakatonynyń qatysýshylary is-shara týraly áserlerin bildirip, ony kásibı ósý men tájirıbe almasýdyń mańyzdy alańy retinde atap ótti.
Hakatonnyń jalpy júlde qory 2 mıllıon teńgeni qurady. Ár baǵyt boıynsha juldeger komandalar birinshi oryn úshin 500 000 teńge, ekinshi oryn - 300 000 teńge jáne úshinshi oryn - 200 000 teńge somasyna sertıfıkattarmen marapattaldy.
Sonymen qatar, birneshe qatysýshy Keńes Raqyshev jobasynda qazaq tilin úırenýge arnalǵan biregeı qosymshany qurý boıynsha jumys týraly usynystar aldy. Jeńimpazdardy marapattaýǵa Keńes Rakıshevtiń ózi, Qazaqstannyń sýretshisi Marııa Ilnıkaıa, sondaı - aq Vexel dızaın agenttiginiń negizin qalaýshycy Baýyrjan Abdýkadırov qatysty. Qazaqstandyq dızaın-qoǵamdastyqta birinshi ret ótkizilgen "Design Battle" hakatony shyǵarmashylyq ındýstrııany damytýda mańyzdy úlesin qosty. Konkýrstyń Saraptamalyq qazylar alqasyna venchýrlik ınvestor Keńes Raqyshev, "Sábı" qorynyń prezıdenti Ásel Tasmaǵambetova, Halyqaralyq Aqparattyq Tehnologııalar Ýnıversıtetiniń mamandary, sondaı-aq dızaın salasyndaǵy táýelsiz sarapshylar kirdi.
