Shymkent respýblıkalyq qala statýsyna ıe bolǵaly qalanyń áleýmettik-ekonomıkalyq damý qarqyny ilgerilep, oń ózgerister baıqalýda. Úsh jyldyń ishinde qalaǵa 1 trln. teńgeden astam ınvestıııa tartylǵan. 1,7 mln. sharshy metr turǵyn úı paıdalanýǵa berildi.
Bul týraly Shymkent qalasy ákiminiń orynbasary Erǵalı Bilisbekov Aqparattyq-kommýnıkaııalyq ortalyǵy alańynda qalanyń damý strategııasy boıynsha atqarylyp jatqan jumystar týraly baspasóz brıfınginde málimdedi. Osydan 3 jyl buryn ónerkásip ónim kólemi 425 mlrd.teńgeni qurasa, jyl sońynda 710 mlrd.teńge bolady dep josparlanýda. Qala bıýdjeti 2017 jyldan beri 3,7 ese ósip, 131,2 mlrd.teńgeden bıyl 481,6 mlrd.teńgege jetti. Salyq bazasy ósip, jergilikti bıýdjetke ózindik túsimder 57 mlrd. teńgeden 150 mlrd. teńgege artqan.
– Ózderińizge belgili búkil álemde oryn alǵan pandemııa álemdik ekonomıkaǵa orasan zııanyn tıgizip otyr. Bul jaǵdaı bizdiń qalamyzdy da aınalyp ótken joq. Karantındik shekteýlerge baılanysty saýda, kólik, qyzmet kórsetý salalary úlken zardap shekti. Nátıjesinde iskerlik belsendilik aıtarlyqtaı baıaýlady. Desek te, 2021 jyldyń qańtar-mamyr aıynyń qorytyndysymen Shymkentte ónerkásip ónim kólemi 295 mlrd.teńge bolyp, ótken jyldyń sáıkes kezeńinen 10,1 paıyzǵa artty, – dedi Erǵalı Dáýletbekuly.
Esepti kezeńde óńdeý ónerkásibindegi hımııa ónerkásibi – 2,1 esege, farmaevtıkalyq ónimder óndirisi – 28,1 paıyzǵa, toqyma buıymdary – 23,7 paıyzǵa, tamaq ónimderin óndirý – 15,8 paıyzǵa, metallýrgııa óndirisi – 15 paıyzǵa artyp otyr.
Qalada sondaı-aq óndiristi damytý maqsatynda, aýdany 718 ga 4 ónerkásiptik aımaq jumys isteıdi. Atap óter bolsaq, «Ońtústik» jáne «Tassaı» ındýstrıaldy aımaqtary men «Ońtústik» kólik-logıstıkalyq aımaǵy, «Ońtústik» arnaıy ekonomıkalyq aımaqtarynda 11 myńnan astam jańa jumys oryndaryn qurýmen 254,2 mlrd. teńge somasyna 174 ınvestıııalyq joba iske asyrylýda. Onyń ishinde, búgingi tańda 137,5 mlrd.teńge somasyna 7,5 myńǵa jýyq jumys ornymen 112 joba iske qosyldy. Qala ekonomıkasyn aldaǵy 5 jylǵa damytý maqsatynda bıyldan bastap 2021-2025 jyldarǵa damytý baǵdarlamasy jańa formatta ázirlenip, iske asyrylýda.
Shymkent qalasy ákimdiginiń baspasóz qyzmeti
