Astanada qarbyz álde darbyzdyń 1 kılogramy 250-260 teńge. Ortasha bireýin alsań 2000 teńge, úlkenirek alsań 3000 teńge shyǵady. Turaqty jumysy bar men sııaqty adamǵa da sál aýyrlyq týdyrady. Shymkentte bir tanysym turady. Ótkende zvondap jaǵdaıyn bildim.
Qurylysta júrmin kúnine 2500 tóleıdi deıdi. Sonda ana jigittiń kúndik tabysy 1 arbýzǵa da jetpeı qalady. Elimizde eń az aılyq 42 500 bolǵanymen salyqtardy ustap qalǵanda qolǵa tıetini 37 400 bolady. Bizdiń elde keıbir sútqorektiler 37 400-ben bir adam januıasyn baǵa alady dep eseptese kerek. Áıtpese eń tómeńgi aılyq keminde 100 000 teńge deýleri kerek edi. Soǵys bolyp jatqan Ýkraınanyń ózinde sońǵy 5 jylda eń tómeńgi aılyq 4 ese ósip qazir 100 000 teńgeden asady.
Ótkende prezıdentimiz azyq túliktiń álemdik baǵasy 40%-ǵa óskenin aıtty. Bizde neshege óskenin aıtpady. Inflıaııa 7.9% dedi. Álemde qanshalyqty ósse bizde odan kóp óspese az óspedi dep oılaımyn. Oǵan qarsy ne istep jatyrmyz? Azyq túliktiń baǵasyn ósirmeńder degen ne tapsyrma deımin da. Álemdik baǵa ósse bizde de baǵa ósedi. Másele bizdiń tabysymyzdyń azdyǵynda ǵoı. Tapqan taıanǵanymyz tamaqtan artylmaıdy. Ettiń baǵasy degen kúnde ósip jatyr. Oılaýdyń ózi qorqynyshty. Bizge anany oılap tabý, mynany eńgizý qajet emes. Bizge zań kerek. Zańnyń bárine birdeı oryndalǵany kerek. Eń bolmaǵanda paramen ustalǵan jemqorlardy el qatarly sottap, túrmedegi kýrortnyı ómirlerin toqtatý kerek. Áıtpese mundan da jep, ana jaqqa baryp 1-2 jyl otyryp qaıtýdan eshkim qorqyp jatqan joq.
Sabıt RYSBAEV,
"Adyrna" ulttyq portaly
