Qostanaıda polıııa qyzmetkerleri jergilikti turǵyndy iri kólemde aldaýǵa kómektesken eki 17 jastaǵy jasóspirimdi ustady, dep habarlaıdy "Adyrna" ulttyq portaly.
Alaıaqtyq telefon qońyraýynan bastalǵan. Beıtanys adamdar áıelge onyń kelini jaıaý júrginshini qaǵyp ketkenin aıtyp, máseleni sheshý úshin 7 mıllıon teńge talap etken. Qoryqqan áıel qolynda bar 2 myń dollardy belgisiz adamǵa berip jibergen. Keıin ol týystarymen sóılesip, eshqandaı jol-kólik oqıǵasy bolmaǵanyn bilgen.
Polıııa alaıaqtarǵa kómektesken eki jasóspirimdi ustady. Olar shetel valıýtasyn aıyrbastap, qarajatty basqa shottarǵa aýdarǵan.
Sol kúni olar dál osyndaı shema arqyly taǵy 1 mıllıon teńge alyp, aýdarǵan, biraq jábirlenýshi áli anyqtalmaǵan. Belgili bolǵandaı, jasóspirimderge bul jumysty Telegram-arna arqyly usynǵan.
Qazirgi ýaqytta alaıaqtyq faktisi boıynsha sotqa deıingi tergeý júrgizilýde.
