Biz danyshpandardyń aıtqanyna qulaq asamyz, pikirlerine súıenemiz. Olardyń oıyn sóz arasynda mysalǵa keltire sóıleımiz. Dese de, danyshpandardy ne biriktiredi? Olardyń basqa adamdardan qandaı aıyrmashylyǵy bar? Osy jáne ózge de suraqtarǵa birge jaýap izdeıik.
Máselen, fızıka ǵylymyna zor úles qosqan Albert Eınshteın qatarlastaryna qaraǵanda kesh sóılegen. Mektepte de úzdikter qatarynda bolmaǵan. Dese de danyshpannyń ómirinde oryn alǵan mundaı ýaqıǵalar onyń fızıka tarıhynda aty qalýyna esh kedergi bolmaǵan.
Bala kezden beri júzin dollardan tanıtyn Bendjamın Franklınge toqtala keteıikshi. Mektepte bilim almaǵanyna qaramastan, óz betinshe izdenip, dara jolyn qalyptastyra bilgen tulǵany búginde bilmeıtinder kemde kem.
Danyshpan degende, Leonardo da Vınchıdi aıta ketpeske bolmas. Ol sýretshi retinde de, ǵylym adamy retinde de erekshe oılaı bilgen kreatıv ıesi. Kúni búginge deıin qupııasy ashylmaǵan «Mona Lıza» kartınasy sózimniń birden bir dáleli. Bir qyzyǵy, do Vınchı erekshe oılaı alatyn adam bolǵan. Sondaı-aq, ony kúndelikti ómirdegi qarapaıym detaldar emes, qoltyraýynnyń jaǵy, adamdardyń bet pishini men aıdyń sáýlesi syndy erekshelikter qyzyqtyrǵan. Onyń qııaly dál balanyń armandary dersiń.
Uzyn sózdiń qysqasy, uly adamdardy ne biriktiredi? Olardy kreatıvti oı, erekshe armandaryn júzege asyrý jolyndaǵy turaqtylyǵy biriktiredi. Sondaı-aq, taptaýryndardy ońaı buza alady. Eshkim eshkimnen artyq ne kem emes. Bálkim, siz de tarıhta aty qalatyn tulǵa shyǵarsyz. Bári de múmkin!
Nazerke Ásetova
