Búgingi jetinshi shaqyrylymdaǵy Shymkent qalasy máslıhatynyń kezekten tys besinshi sessııasynda mádenıet, bilim, densaýlyq jáne sot salalarynda eńbegi sińgen 20 azamatqa «Shymkent qalasynyń qurmetti azamaty» ataǵyn berý týraly sheshim qabyldandy. Odan ózge 7 másele qaraldy.
Atap aıtqanda, Shymkent qalasy máslıhaty depýtatynyń ókilettigin merziminen buryn toqtatý týraly máselege sáıkes, depýtat E. Qýatbaevtyń ókilettigi aıaqtalyp, ornyna J.Tańatarova saılandy.
Taǵy bir mańyzdy máseleniń biri - Shymkent qalasy boıynsha áleýmettik máni bar qatynastardyń tizbesin aıqyndaýda birshama ózgerister engizildi. Bul jóninde Jolaýshylar kóligi jáne avtomobıl joldary basqarmasynyń basshysy E.Joldasov baıandady.
Máslıhatpen bekitilgen «Keshendi shema» jańa 78 marshrýttan turady. Olardy engizýde depýtattar korpýsy da belsendi qatysty. Depýtattardyń qatysýymen shalǵaı shaǵyn aýdandar men turǵyn alaptardyń turǵyndarymen birneshe ret kezdesýler ótkizilip, josparlanǵan baǵyttar talqylanyp, kezdesýler qorytyndysy boıynsha marshrýttarǵa tıisti ózgerister engizildi.
Sonymen qatar, shemaǵa sáıkes 7 shaǵyn avtobýstyń marshrýttary qaralǵan. Bul marshrýttar úlken avtobýstardyń júrýge múmkindigi joq, kósheleri tar jáne jolaýshylar aǵyny tómen turǵyn alaptarǵa qatynaıtyn bolady.
Qazirgi tańda qalada 71 marshrýt jolaýshylarǵa tasymaldaý qyzmetin kórsetýde, onyń ishinde 56 mashrýt keshendi shemaǵa sáıkestendirilip, qozǵalys syzbalary ońtaılandyryldy.
Sessııa sońynda qala ákimi M.Áıtenov qala úshin qabyldanatyn mańyzdy sheshimder tek depýtattar men qala turǵyndarynyń qatysýymen ǵana bolatynyn taǵy bir eske salyp ótti.
Shymkent qalasy ákiminiń baspasóz qyzmeti
