«Nūrly jer» tūrǧyn üi-kommunaldyq şaruaşylyǧyn damytudyŋ memlekettık baǧdarlamasy aiasynda Tekelı qalasynda 40 päterlı jaldamaly ekı tūrǧyn üidıŋ qūrylysy bastalǧaly bır aidyŋ jüzı bolyp qaldy.
Osy aptada Almaty oblysy qūrylys basqarmasy basşysynyŋ orynbasary Erkebūlan Usmanbaev «Dostyq» şaǧynaudanyndaǧy Äl-Farabi jäne Seifullin köşesınde ırgetasy qalanyp jatqan üilerdıŋ qūrylys qarqynymen tanysyp, jūmystyŋ sapaly boluyn jäne tiıstı merzımde aiaqtaluyn basty nazarda ūstaudy tapsyrdy. Tapsyrys beruşı qalalyq qūrylys bölımı men merdıgerlık mındettı moinyna alǧan «Şymyr» jauapkerşılıgı şekteulı serıktestıgı ekı bırdei bes qabatty qyryq päterlı tūrǧyn üidı aldaǧy qaraşada paidalanuǧa beru üşın qystyŋ on künıne tatityn jazdyŋ är künın tiımdı ötkızıp, barynşa qimyl şiratqandary jön. Qazırgı taŋda ekı qūrylys alaŋynda 30 şaqty adam jūmys ıstep jatyr. Jūmys kölemı aldyn ala bekıtılgen josparǧa säikes oryndaluda.
Tekelı qalasynyŋ äkımı Batyr Moldahmetov:
Tekelı qalasynyŋ äkımı Batyr Moldahmetov:
«Seksen päterdıŋ teŋ jartysy köp balaly analarǧa, qalǧany jetım balalarǧa jäne erekşe mūqtajdyqtary bar balalardy tärbielep otyrǧan otbasylarǧa berıledı. Qūrylys jūmystarynyŋ toqtausyz jüruın jäne paidalanylatyn barlyq materialdyŋ sapaly boluyn qataŋ qadaǧalap otyramyz», – dedı.Soŋǧy jyldarda qalamyzda baspanaly bolyp quanǧan tūrǧyndardyŋ qatary aldaǧy uaqytta taǧy tolyǧatyny äleumettık äleuetımızdı aişyqtap, köŋılge quanyş ūialatady.
Torǧyn TŪRLYBAEVA
Ūqsas jaŋalyqtar
