Shymkent qalasynyń Energetıka jáne ınfraqurylymdy damytý basqarmasynyń basshysy B.Býlatbekov qala ákimdiginiń «Instagram» paraqshasynda ótken tikeleı efırde turǵyndar saýalyna jaýap berdi.
Tikeleı efırde qalany ınjenerlik ınfraqurylymmen qamtý jumystarynyń barysyn baıandady. 2021 jyly qalany osy baǵytta qamtamasyz etý boıynsha 85 jobaǵa qarjy bólindi.
Basqarma basshysynyń aıtýynsha, ótken jyly 19 nysannyń (17 eldimekende) jáne 2 magıstraldy sýaqqynyń qurylysy aıaqtalyp, 34 myńǵa jýyq adam (12500 abonent) sapaly aýyz sýmen qamtyldy.
2021 jyly 3 magıstraldy sýaqqynyń jáne 9 eldimekendegi (Yntymaq-2, Asar-2, Batys, Turan, Soltústik Saıajaı, Jańatalap, Nurtas, Sáýle 276 oram, Aqtas shaǵynaýdany) aýyzsý nysandarynyń qurylys jumystaryn aıaqtap, aýyzsýmen qamtamasyz etý kórsetkishin 98 %-ǵa jetkizý josparlanýda.
– Qazirgi tańda qalada 81 eldimekenniń 18-i (559,5 myń adam) káriz júıesimen qamtamasyz etilgen. 19 nysannyń qurylys jumystary bastaldy. Bıyl 4 eldimekenniń jáne 1 magıstraldy káriz kollektorynyń qurylysy aıaqtalady. 81 eldimekenniń 65-i sapaly elektrmen qamtylsa, 16 eldimekende elektr qýaty sapasyz bolyp tur. Bıyl 3 qosalqy stansanyń jáne 7 eldimekende qurylys jumystary aıaqtalady. 20 myńǵa jýyq adam sapaly elektr qýatymen qamtylady, – dedi basqarma basshysy.
Basqarma basshysy Yntymaq, Dostyq, Qaınarbulaq, Shymsıtı shaǵynaýdany turǵyndarynyń aýyz sý, jaryq jáne tabıǵı gaz boıynsha qoıylǵan saýaldaryna jaýap berdi. Jalpy tikeleı efırge 800-den astam qala turǵyny qosyldy.
Shymkent qalasy ákimdiginiń baspasóz qyzmeti
