Shymkentte áleýmettik dúkender sany artady

4410
Adyrna.kz Telegram

Qalada azyq-túlik baǵalaryn turaqtandyrý sharalary aıasynda 11 shaǵyn aýdany, Elshibek batyr kóshesi №116 mekenjaıynda «Áleýmettik dúken» ashylǵan bolatyn.

Áleýmettik dúkenniń ózge azyq-túlik dúkenderden ereksheligi - halyq kúndelikti birinshi kezekte tutynatyn azyq-túlik ónimderin tómen ári belgilengen baǵada satýy.

Memleket basshysynyń agroónerkásipti damytý jónindegi tapsyrmasyna sáıkes «Egistikten dúken sóresine deıin» jobasy aıasynda qalada mundaı dúkenderdi kóptep ashý josparlanyp otyr. Osy maqsatta qaladaǵy mal bordaqylaýmen aınalysatyn «Qasqasý-S» sharýaqojalyǵyna aınalymǵa 200 mln. teńge qaryz qarajat berilip, kelisimshart túzilgen. Kelisimshart negizinde sharýaqojalyq josparǵa sáıkes qalamyzdyń halqy tyǵyz ornalasqan aımaqtarda shilde jáne tamyz aılarynda 2 áleýmettik dúken ashýdy josparlap otyr. Onda kókónis, et ónimderi jáne ózge de azyq-túlik satylatyn bolady.

Budan bólek, sharýaqojalyq osy jyldyń tamyz aıynda 4 jyljymaly et ónimderin satatyn saýda tirkemelerin iske qosýdy da josparlap otyrǵan jaıy bar. Osyǵan oraı, Aýyl sharýashylyǵy jáne veterınarııa basqarmasynyń basshysy A.Qanybekov shilde aıynda ashylýy josparlanyp otyrǵan 18 shaǵyn aýdanyndaǵy «Áleýmettik dúkenge» baryp, ondaǵy jumys barysymen tanysty.

Aıta keteıik, áleýmettik dúkenniń qurylys jumystary tolyǵymen aıaqtalǵan. Qazirgi tańda dúkenge qajetti sóreler, jabdyqtardy ornyqtyrý jumystary júrgizilýde. Aldaǵy ýaqytta «Áleýmettik dúkender» ashylǵan jaǵdaıda turǵyndar sapaly ári arzandatylǵan baǵada azyq-túlik ónimderin satyp ala alatyn bolady.

Shymkent qalasy ákimdiginiń baspasóz qyzmeti

Pikirler