Shymkent qalasynda 1 maýsym – Halyqaralyq balalardy qorǵaý kúnine arnalǵan merekelik is-sharada balalar úıindegi 30 búldirshinniń tusaýy kesildi.
1-3 jas aralyǵyndaǵy balalardyń tusaýyn qala ákimi M.Áıtenov, máslıhat hatshysy B.Narymbetov, Shymkent qalasynyń qurmetti azamaty Ó.Meldehanov, qalanyń bas ımamy Baqdáýlet Nurmatuly, «Túrkistan» saraıynyń dırektory S.Maıǵazıev pen qolóner sheberi Bolat Beıisbekov, Opera jáne balet teatrynyń dırektory Maıra Muhamedqyzy, «Shanshar» ázil-syqaq teatrynyń dırektory Ý.Ábdiraıymov, aıtysker aqyn A.Leýbaeva syndy elge syıly, belgili azamattar kesti.
Tusaýkeser rásiminen soń qatysýshylar balalarǵa aq jol tilep, aq batalaryn berdi.
Balalar kúnine oraı uıymdastyrylǵan sharada «Jeti qazyna» atty ıntellektýaldy oıyn-saýyq uıymdastyryldy. Munda balalar tórt topqa bólinip, «Táýelsizdik» saıabaǵynda kómbege jasyrylǵan 7 qazynany izdeıdi. Al, etnoaýylda «asyq», «teppe», «asaý mástek» oınap, «sadaq atý», «at ertteýden» jarysyp, qazaq handaryna sholý jasap, toǵyzqumalaqtan esep shyǵarýdan saıys ótti. Al, óskeleń qyzdar quraq quraýdan jarysty. Saıys sońynda balalarǵa arnaıy syılyqtar taratyldy.
Ádet-ǵuryp jáne salt-dástúr ortalyǵynyń uıymdastyrýymen ótken merekelik shara konerttik baǵdarlamamen jalǵasyn tapty.
Shymkent qalasy ákimdiginiń baspasóz qyzmeti
