Shymkent qalasyndaǵy qoǵamdyq kólik 100 jańa avtobýspen tolyǵyp, 6 jańa baǵyt ashyldy. Qoǵamdyq kólikterdiń kiltin tabystaýǵa qala ákimi M.Áıtenov qatysyp qyzmetkerlerge sáttilik tiledi.
Memleket basshysynyń halyqqa qolaıly jaǵdaı jasaý tapsyrmasy aıasynda qalada júıeli jumystar atqarylyp jatqanyn aıtqan qala basshysy qaladaǵy qoǵamdyq kólik bıylǵy jyly 80 paıyzǵa jańaratynyn aıtty.
«Qalamyz halyqqa qolaıly bolý úshin qoǵamdyq kólik júıesin odan ári damytamyz. Byltyr 590 jańa avtobýs satyp alynyp, onyń 200 iske qosylǵan bolatyn. Mine búgin qoǵamdyq kólik taǵy jańa 100 avtobýspen tolyǵyp otyr. Qalǵan avtobýstardy da ret-retimen iske qosatyn bolamyz. Sonda qoǵamdyq kólik 80 paıyzǵa jańarady. Bul avtobýstar gazben júredi, kondııoneri bar, múmkinshiligi shekteýli azamattarymyzǵa qolaıly»,-dedi qala ákimi.
Sonymen qatar ákim qoǵamdyq kólik júrgizýshileri birinshi kezekte mádenıetti bolý kerek ekendigin atap ótti.
Búginge deıin, megapolıste 71 baǵyt bolsa, endi qosymsha 6 baǵytqa tolyǵyp, qoǵamdyq kólikterdiń sany 880 avtobýsqa jetti. Endigi jerde jańa avtobýstar Samal 3, Aq jaıyq, Kúnshyǵys, Hamza, Shymsıtı, Qaıtpas 1 móltek aýdandaryna júretin bolady.
Ótken aıda Shymkent qalasynda kún saıyn 200 avtobýsqa qyzmet kórsetýge múmkindik beretin metan gazyn toltyratyn kompressorlyq stanııa iske qosylǵan bolatyn. Aldaǵy ýaqytta kún saıyn 300 avtobýsqa qyzmet kórsetýge múmkindik beretin qalada taǵy bir kompressordy iske qosý josparlanǵan.
Eger de qoǵamdyq kólikterdiń keshigýi júrgizýshilerdiń dóreki sóıleýi jáne basqa da qoǵamdyq kólikke qatysty saýaldaryńyz týyndasa @Shymkent «109» biryńǵaı baılanys nómirine habarlasýlaryńyzǵa bolady.
Shymkent qalasy ákimdiginiń baspasóz qyzmeti
