Täuelsızdık jyldary elımızde jekemenşık qūrylys ūiymdary qanat jaiyp, salanyŋ damuynda şeşuşı oryndy ielendı. Jambyl audanynda da mūndai käsıporyndar qūrylys salasynda tabysty jūmys ısteidı. Solardyŋ bırı – «REM PLAST LTD» jauapkerşılıgı şekteulı serıktestıgı.
Manas Qaliiaqov būl ūiymdy 2006 jyldyŋ qaŋtar aiynda qūrǧan bolatyn. Bastaǧan ısın aiaǧyna deiın jetkızbei tynym tappauǧa daǧdylanǧan käsıpker nätijege jetu üşın kün, tün demei eŋbektendı. Jekemenşık mekemesınıŋ ūiymdastyru jūmystaryn dūrys jolǧa qoia bıldı. Qolynan ıs keletın bılıktı mamandardy tarta bılu de oŋaiǧa soqqan joq. Qaisar käsıpkerdıŋ tökken terı zaia ketpedı. Bügınde azdy-köptı nätijege qol jetkızse – sol eŋbektıŋ aqtalǧany.
Manas Ömırzaqūlynyŋ kompaniiasynda bügınde 14 adam tūraqty jūmyspen qamtylǧan. Mausymdyq kezeŋde naqty jūmystyŋ kölemıne qarai jūmysşylar sany qajetınşe 140 adamǧa deiın ösedı. Qūrylys-jöndeu jūmystarymen ainalysatyn ūiymda öz ısınıŋ naǧyz bılgırlerı eŋbek etedı. Olardyŋ ışınde bas energetik Mūrat Esqaiyrov, prorab Ǧalymjan Moldaqojaev, uchaske bastyǧy Danil Mūqanov, logistika bölımınıŋ basşysy Meirambek Ömırzaq siiaqty mamandar osynda bırneşe jyldan berı jemıstı jūmys ıstep keledı. Būdan basqa da ärtürlı tehnikalardy tızgındegen jūmysşylardyŋ ortaq ıske küş bırıktıruınıŋ arqasynda mekeme jūmysy ılgerıleude.
«REM PLAST LTD» jauapkerşılıgı şekteulı serıktestıgı tek Jambyl audanynda ǧana emes, osy uaqytqa deiın özge öŋırlerde bırqatar nysannyŋ qūrylysyn jürgızdı. Atap aitqanda, Türkıstan qalasyndaǧy Media ortalyq, drama teatry ǧimarattarynyŋ qūrylysyna qatysty. Almaty qalasynda bırneşe nysannyŋ qūrylysyn sapaly aiaqtady. Ötken jyly jūmysyn qarqyndy jürgızıp, qolǧa alǧan memlekettık tapsyrysty oidaǧydai oryndap şyqty. Dälırek aitqanda, Balqaş audanynda 11 mekteptıŋ aǧymdaǧy jöndeu jūmystaryn jasady. Sondai-aq, Ūzynaǧaş auylynda «Qamqorlyq» oŋaltu ortalyǧyna bölıngen ekı qabatty ǧimaratty kürdelı jöndeuden ötkızıp, mümkındıgı şekteulı balalarǧa arnalǧan mekemenı talapqa sai jabdyqtady. Atalǧan oŋaltu ortalyǧy oblys boiynşa erekşe ülgıdegı alǧaşqy mekeme bolyp sanalady.
Serık SATYBALDİEV Jambyl audany
Ūqsas jaŋalyqtar
