Júkti áıelderge arnalǵan perınataldy ortalyq ashylady

1876
Adyrna.kz Telegram

Qazaqstanǵa resmı saparmen Qatar Syrtqy ister mınıstrliginiń basshysy, sheıh Mýhammed ben Abdýlrahman Ál Tánı keldi. Bul týraly Qazaqstan Respýblıkasy Syrtqy ister mınıstrliginiń baspasóz ortalǵy habarlady. Qazaqstannyń Syrtqy ister mınıstri Muhtar Tileýberdi ekeýi kelissózder júrgizip, eki jaqty qarym-qatynastyń máseleleri men damý barysyn talqylady. Kezdesý barysynda saýda-ekonomıka jáne ınvestıııa salalaryndaǵy yntymaqtastyqqa erekshe kóńil bólindi.

Kelissózder kezinde Qatar damý qorynyń (Qatar Development Fund) qarajatyna Almaty oblysynyń Ile aýdanyndaǵy Ótegen Batyr kentinde perınataldyq ortalyǵynyń qurylysy týraly memorandýmǵa qol qoıyldy. Bul ortalyq júkti áıelderge bosaný jáne bosanǵannan keıin joǵary sapaly medıınalyq qyzmet kórsetýge arnalǵan. Almaty oblysy tarapynan memorandýmǵa Almaty oblysy ákiminiń orynbasary Batyrjan Baıjumanov qol qoıdy.

Aıta keterlik jaıt, Qatar syrtqy saıası vedomstvosy basshysy Qazaqstanǵa alǵash ret keldi.  Kelissózder barysynda, saýda-ekonomıkalyq jáne ınvestıııalyq salalardaǵy Qazaqstan-Qatar qatynastarynyń aǵymdaǵy jaı-kúıi men damý perspektıvalary qaraldy. Sonymen qatar aldaǵy ýaqytta aýyl sharýashylyǵy, taý-ken ónerkásibi jáne bank isinde birlesken jobalar qolǵa alynady.

Taraptar halyqaralyq jáne óńirlik kún tártibindegi ózekti máseleler jóninde pikir almasty. Qazaqstan aýmaǵynda aýyl sharýashylyǵy, geologııalyq barlaý jáne taý-ken ónerkásibi, kólik jáne logıstıka, sondaı-aq qarjy jáne bank qyzmeti salasyndaǵy birlesken jobalardy iske asyrýǵa múddelilik rastaldy. Taraptar sondaı-aq eki eldiń halyqaralyq jáne óńirlik uıymdar, sonyń ishinde BUU, AÓSShK, IYU jáne t.b. sheńberindegi ózara is-qımylynyń joǵary deńgeıin atap ótti.

Pikirler