Qazaqstandyqtar studenttık jataqhanalar qūrylysyna investisiia sala alady, dep habarlaidy “Adyrna” ūlttyq portaly Stan.kz saityna sılteme jasap.
Jataqhanadaǧy oryn tapşylyǧy mäselesı barlyq öŋırler üşın özektı. Statistikalyq mälımetterge süiensek, respublika boiynşa jataqhanaǧa mūqtaj studentter sany 62 myŋnan asady. Jataqhanaǧa negızgı sūranys Almatyda – 22 myŋ oryn jäne Nūr-Sūltanda – 17 myŋ oryn.
QR BǦM "Qarjy ortalyǧy" AQ baspasöz qyzmetınıŋ mälımetınşe, 2021 jyldan bastap mektep bıtıruşıler sanynyŋ aitarlyqtai öskenı baiqalady. Mäselen, biyl 163 myŋnan astam adam mektep bıtırse, 2025 jylǧa qarai būl körsetkış 302 jetuı mümkın.
Būl mäselenı şeşu üşın ärbır zaŋdy tūlǧa (memlekettık mekemelerdı qospaǧanda) studentterge arnalǧan jataqhana salyp, tabys ala alatyn mehanizm äzırlendı.
Mäselen, jobaǧa qatysuǧa niet bıldırgen qūrylys saluşy öz qarajatyna nysan salyp, 8 jyl ışınde paidalanuǧa berılgennen keiın ärbır naqty alǧan tösek oryn üşın memleketten tölem alady.
Memlekettık tapsyrys boiynşa tölemderden bölek, investordyŋ özı ärbır student tūru üşın ortaşa eseppen 15-20 myŋ teŋge tölem alady (qūny öz betınşe anyqtalady).
Sondai-aq investor üşın "Qarapaiym zattar ekonomikasy" jäne "Biznestıŋ jol kartasy 2020-2025" ("Damu" qory) şeŋberınde 9%-ǧa deiıngı banktık nesienı subsidiialau jäne daiyn jobalyq-smetalyq qūjattamany ūsynu (standartty jäne jeke jobalar) siiaqty qosymşa mümkındıkter qarastyrylǧan.
Sondai-aq investor kommersiialyq keŋıstıkten qosymşa tabys ala alady, iaǧni jataqhana bazasynda ashana, şaştaraz jäne basqa da şaruaşylyq nysandaryn aşuǧa bolady.
“Adyrna” ūlttyq portaly
