2024 jyldyŋ 28 qazan men 3 qaraşa künderı aralyǧynda Abai atyndaǧy Memlekettık syilyqtyŋ laureaty, Qazaqstannyŋ eŋbek sıŋırgen qairatkerı, jazuşy-dramaturg Roza Mūqanovanyŋ dramaturgiiasyna arnalǧan «TEATR ALL» III Halyqaralyq teatr festivalı ötedı, dep habarlaidy "Adyrna" ūlttyq portaly.
Biyl üşınşı märte Astana törınde ūiymdastyryp jatqan būl halyqaralyq festivalge Äzerbaijan, Qyrǧyzstan jäne Qazaqstannyŋ üzdık teatr ūjymdary qatysady dep josparlanuda.
Astana qalasy äkımdıgınıŋ qoldauymen ötetın «TEATR ALL» III Halyqaralyq teatr festivalınıŋ maqsaty – körermenderdı jazuşy-dramaturg Roza Mūqanovanyŋ şyǧarmaşylyǧymen tanystyru, halyqaralyq şyǧarmaşylyq bailanystardy nyǧaitu jäne teatr önerıne jaŋa serpın berıp öskeleŋ ūrpaqqa keŋınen nasihattau.
Festival barysyna toqtala keteiık, 28-qazan künı saǧat 18:00-de jäne 19:00-de Halyqaralyq teatr festivalınıŋ qonaqtary men qatysuşylarynyŋ saltanatty şeruı men aşyluy ötedı. Al, festivalge qonaq retınde qatysatyn M.Äuezov atyndaǧy Qazaq ūlttyq drama teatrynyŋ qasıretnama «Mäŋgılık bala beine» qoiylymy (Rejisserı: B.Atabaev) Q.Quanyşbaev atyndaǧy Qazaq ūlttyq muzykalyq drama teatry ǧimaratynda (Meken-jaiy: Q.Quanyşbaev köşesı 8/1) ötedı.
29-qazan künı 11:00-de A.Toqpanov atyndaǧy Jambyl oblystyq qazaq drama teatry «Mäŋgılık bala beine» tragediiasyn (Rejisserı: A.Ospanbaeva) Jastar teatry ǧimaratynda (Meken-jaiy: İ. Esenberlin köşesı 10), al 19:00-de Q.Quanyşbaev atyndaǧy Qazaq ūlttyq muzykalyq drama teatry «Bopai hanym» tarihi tragediiasyn (Rejisserı: J.Jūmanbai) ūsynsa (Meken-jaiy: Q.Quanyşbaev köşesı 8/1), 30-qazan künı saǧat 15:00-de Astana qalasy äkımdıgınıŋ Quyrşaq teatry R.Mūqanovanyŋ «Mäŋgılık bala beine» dramasymen (Rejisserı: Q.Eşmūratova) (Meken-jaiy: Respublika daŋǧyly 3), al saǧat 19:00-de Qyrǧyzstan Respublikasy, Bışkek qalasynan kelgen Jamal Seidakmatova atyndaǧy «Tunguch» jastar teatry «Jesır» dramasyn (Rejisserı: A.Kydyrmyşev) Jastar teatrynda (Meken-jaiy: İ. Esenberlin köşesı 10) körermen nazaryna ūsynady.
31-qazan künı 17:00-de R.Mūqanovanyŋ 60 jas mereitoiyna arnalǧan «Jaryq dünie» atty şyǧarmaşylyq keşı Q.Quanyşbaev atyndaǧy Qazaq ūlttyq muzykalyq drama teatrynda ötse (Meken-jaiy: Q.Quanyşbaev köşesı 8/1), 1-qaraşa künı 11:00-de C.Seifullin atyndaǧy Qaraǧandy oblystyq qazaq drama teatrynyŋ «Eşkım de kınälı emes» drama-absurdy (Rejisserı: B.Kiekbaev) jäne saǧat 19:00-de Astana qalasy äkımdıgınıŋ Muzykalyq jas körermen teatry «Qyzjylaǧan» dramasy (Rejisserı:A.Maksim) Muzykalyq jas körermen teatry (Meken-jaiy: J.Omarov köşesı 47/B) ǧimaratynda ötedı.
2-qaraşa künı 11:00-de H.Bökeeva atyndaǧy Batys Qazaqstan oblystyq qazaq drama teatry M.Äuezov, sahnalyq nūsqasyn jasaǧan R.Mūqanova «Qaraly sūlu» metafizikasy (Rejisserı: A.Şaripov), Ä.Mämbetov atyndaǧy atyndaǧy memlekettık drama jäne komediia teatrynda ötse (Meken-jaiy: Mäŋgılık el daŋǧyly, V2.3), al saǧat 19:00-de Türkıstan muzykalyq drama teatry «Fariza» dramasy (Rejisserı: F.Moldaǧali) Q.Quanyşbaev atyndaǧy Qazaq ūlttyq muzykalyq drama teatrynda (Meken-jaiy: Q.Quanyşbaev köşesı 8/1) ötedı.
3-qaraşa künı 11:00-de Äzerbaijan Respublikasy, Gazah qalasy Gazah memlekettık drama teatry «Şatyr astyndaǧy Men» tragikomediiasy (Rejisserı: M.Eiiubov) M.Gorkii atyndaǧy memlekettık akademiialyq orys drama teatrynda ötse (Meken-jaiy: Jeltoqsan köşesı, 11), saǧat 19:00-de Abai atyndaǧy Memlekettık syilyqtyŋ laureaty, Qazaqstannyŋ eŋbek sıŋırgen qairatkerı, jazuşy-dramaturg Roza Mūqanovanyŋ dramaturgiiasyna arnalǧan «TEATR ALL» III Halyqaralyq teatr festivalınıŋ saltanatty jabyluy Q.Quanyşbaev atyndaǧy Qazaq ūlttyq muzykalyq drama teatrynda (Meken-jaiy: Q.Quanyşbaev köşesı 8/1) ötedı.
Ūqsas jaŋalyqtar
