Parlament Mäjılısınıŋ töraǧasy Erlan Qoşanov bastaǧan deputattar delegasiiasy Mäskeuge keldı. Resei astanasynda Federaldyq Jinalys Memlekettık Dumasynyŋ töraǧasy Viacheslav Volodinmen jäne Federaldyq Jinalys Federasiia keŋesınıŋ töraǧasy Valentina Matvienkomen kezdesuler öttı.
Sapar barysynda Erlan Qoşanov Memlekettık Dumanyŋ töraǧasy Viacheslav Volodinmen ekıjaqty yntymaqtastyq mäselelerın talqylady. Ol Resei Qazaqstan üşın ärdaiym senımdı odaqtas, strategiialyq ärıptes, tatu körşı ekenın jäne solai bolyp qala beretının atap öttı.
– Elderımız arasynda senımdı saiasi dialog jolǧa qoiylǧan. Tyǧyz ekonomikalyq jäne mädeni-gumanitarlyq bailanys ornap, berık şarttyq-qūqyqtyq baza qalyptasqan. Jyl ötken saiyn būl qarym-qatynastar tek nyǧaiyp keledı. Köşbasşylarymyz Qasym-Jomart Toqaev pen Vladimir Putin olardy damudyŋ jaŋa deŋgeiıne köterdı, – dedı Mäjılıs spikerı.
Erlan Qoşanov Mäjılıstıŋ Memlekettık Dumamen özara ıs-qimyldy odan ärı nyǧaituǧa zor män beretınıne toqtalyp, Viacheslav Volodindı Qazaqstanǧa resmi saparmen keluge şaqyrdy.
Bügınde ekı el parlamentşılerı dostyq toptary, ärtürlı halyqaralyq jäne aimaqtyq ūiym aiasynda belsendı yntymaqtastyqta jūmys ıstep keledı. Zaŋ şyǧaru mäselelerı boiynşa täjıribe almasady. Mäjılıs spikerı Resei men Qazaqstan şekarasyndaǧy otandyq jük tasymaldauşylardyŋ problemalaryn jedel şeşu Parlament deputattary arasyndaǧy özara ıs-qimyldyŋ naqty nätijelerınıŋ bırı ekenın aitty.
Sondai-aq töraǧa öŋıraralyq jäne ekonomikalyq bailanystyŋ keleşegı jönınde söz qozǧady. Älemdegı eŋ ūzaq şekara Qazaqstan men Resei arasynda ekenın, Qazaqstannyŋ 8 oblysy Reseidıŋ 12 aimaǧymen şektesetının atap öttı. Tauar ainalymynyŋ şamamen 70 paiyzy öŋıraralyq jäne şekaralyq saudaǧa tiesılı. Mūnda da sauda qatynastaryn keŋeitu men öndırıstık kooperasiiany nyǧaitu üşın äleuet zor.
Sonymen qatar spikerler mädeniet pen bılım beru salasyndaǧy yntymaqtastyqtyŋ maŋyzdylyǧyna nazar audardy. Erlan Qoşanov bügınde Qazaqstanda reseilık joǧary oqu oryndarynyŋ alty filialy jūmys ısteitının aitty.
– Soŋǧy jyldary bızde injenerlık-tehnikalyq saladaǧy mamandarǧa sūranys joǧary. Sondyqtan Memleket basşysy elımızde tehnikalyq mamandyqtar boiynşa şeteldık jetekşı joǧary oqu oryndarynyŋ filialdaryn aşudy tapsyrdy. Būl tūrǧyda bız jetekşı reseilık joǧary oqu oryndarymen jūmys ısteuge niettımız, – dedı Mäjılıs Töraǧasy.
Kezdesudı qorytyndylai kele deputattar parlamentaralyq yntymaqtastyqty keŋeitu jäne ekıjaqty qarym-qatynasty nyǧaitu jönındegı jūmysty arttyru turaly uaǧdalasty.
Sondai-aq resmi sapar aiasynda Mäjılıs spikerı Resei Federasiiasy Federaldyq Jinalysy Federasiia Keŋesınıŋ töraǧasy Valentina Matvienkomen kezdestı.
Erlan Qoşanov ärıptesıne Memleket basşysynyŋ bastamasymen Qazaqstandaǧy maŋyzdy özgerıster turaly aitty.
– Byltyr ötken konstitusiialyq reformaǧa bailanysty zaŋnamamyzdy aitarlyqtai jaŋarttyq. Bız elımızdıŋ konstitusiialyq zaŋdaryna bırqatar maŋyzdy tüzetu engızdık. Mäjılıs alǧaşqylardyŋ bırı bolyp «Ūlttyq qor – balalarǧa» zaŋyn qabyldady. Ol zaŋ qazır qoldanysta. Jaŋa Biudjet, Salyq, Su, Qūrylys kodeksterımen jūmys bastaldy, – dedı Erlan Qoşanov.
Mäjılıs spikerı reseilık senatorlarǧa küzde Sankt-Peterburgte ötetın Törtınşı Euraziialyq äielder forumyna tabys tıledı.
Öz kezegınde Valentina Matvienko Qazaqstan men Resei parlamentterın barlyq mäsele boiynşa berık dostyq pen özara tüsınıstık bailanystyratynyn atap öttı. Federaldyq jinalys basşysy Qazaqstan deputattarynyŋ zaŋnamalyq bastamalaryna qoldau bıldırıp, osy baǧytta belsendı türde täjıribe almasudy ūsyndy.
Mäjılıs töraǧasynyŋ resmi sapary odan ärı Kazan qalasynda jalǧasady. Onda Erlan Qoşanov Tatarstan Respublikasynyŋ basşysy Rustam Minnihanovpen jäne Respublika Memlekettık Keŋesınıŋ töraǧasy Farid Muhametşinmen kezdesuler ötkızedı.
