Aǧylşyn tılın meŋgeru körsetkışı boiynşa Qazaqstan 113 eldıŋ ışınde 104-şı orynǧa ie boldy. Mūndai derekterdı Education First halyqaralyq kompaniiasy jariialady. Anyqtalǧandai, esep 113 el men aimaqtaǧy 2,2 million eresek adamdy testıleu nätijelerıne negızdelgen, - dep habarlaidy "Adyrna" portaly.
Bırınşı orynǧa Niderlandy şyqty. Reitingte ekınşı orynda Singapur tūr. Avstriia üşınşı orynda.
Alǧaşqy ondyq kelesıdei taban tıredı:
- Niderlandy;
- Singapur;
- Avstriia;
- Daniia;
- Norvegiia;
- Şvesiia;
- Belgiia;
- Portugaliia;
- Oŋtüstık Afrika Respublikasy (RSA);
- Germaniia.
Būl reitingte Resei 41-orynda, Ukraina 45-orynda, Türkiia 66, Auǧanstan 88-orynda boldy.
Qazaqstandaǧy aǧylşyn tılın meŋgeru deŋgeiı reiting boiynşa «öte tömen» dep baǧalandy. Elımız 104-şı orynda. Reitingte Qyrǧyzstan 90-şy orynda.
105 oryn. Somali;
106 oryn. İrak;
107 oryn. Kot-d'İvuar;
108 oryn. Saud Arabiiasy;
109 oryn. Ruanda;
110-oryn. Liviia;
111 oryn. Iemen;
112 oryn. Täjıkstan;
113-oryn. Kongo Demokratiialyq Respublikasy.
Bır qyzyǧy, 2021 jylǧy halyq sanaǧy boiynşa 5 jastan asqan halyqtyŋ 44,9 paiyzy ekı tıldı, taǧy 28,6 paiyzy üş tıldı meŋgergen. Sanaq qorytyndysy boiynşa taǧy 1,7 paiyzy 4 tıldı meŋgergenı, 0,2 paiyzy 5 tıldı bıletını anyqtaldy. 6 tıldı bıletın poliglottardyŋ ülesı 0,1 paiyzdy nemese 8 845 adamdy qūrady.
5 nemese odan da köp tıldı bıletın poliglottardyŋ eŋ köp sany Almatyda tūrady. Būl rette 35,1 paiyzy nemese 6 042,1 myŋ adam aǧylşyn tılın bıledı, onyŋ ışınde 27,6 paiyzy erkın söileidı. Jas segmentınde aǧylşyn tılın bıletınderdıŋ ülesı 10-14 jäne 25-29 jastan joǧary.
Basqalarmen bölıse
otyryŋyz
