Baıqońyr aýrýhanasynyń máselesin endi kim shesher eken?!
Memlekettik qyzmet isteri jáne sybaılas
jemqorlyqqa qarsy is qımyl agenttiginiń tóraǵasy
Ahmetjanov Marat myrzaǵa!
QR IIM mınıstri Turǵumbaev Erlan myrzaǵa!
QR Qarjy mınıstri Jamaýbaev Erulan myrzaǵa!
QR Densaýlyq saqtaý mınıstri oı Alekseı myrzaǵa!
Qurmetti, Alekseı Vladımırovıch!
Biz siz arqyly Marat Muratulyna, Erlan Zamanbekulyna, Erulan Kenjebekuly myrzalarǵa da shaǵymdanyp otyrmyz.
Egerde sýbordınaııa jáne mádenıet saqtamaı, ár qaısylaryńyzǵa tikeleı shyqpaı, retin saqtamaı jalpy ádepsizdik kórsetip jatsaq keshirim suraımyz. Bizdi túsinińizder! Bul jerde tek qana densaýlyq saqtaý máselesi ǵana emes, problema óte aýqymdy. Sondyqtan barlyqtaryńyzdyń kómekterińiz men ádiletti sheshimderińiz kerek bolyp tur. Men Darbýzova Ǵalıfa qaıta-qaıta Baıqonyr halqynyń atynan sizderge shyǵyp jatyrmyn.
Densaýlyq mınıstri A.oıdyń qabyldaýynda bolǵanyma 3 apta ótti,.
Aınalaıyndar! Sizderdiń qarapaıym halyqtyń jan-aıqaıyna kóńil bólýlerińiz úshin Baıqonyr turǵyndaryna ne isteýi kerek?
Denesine benzın quıyp, alańda ózin ózi órteýi kerek pe?
Nemese BUU-ǵa jazamyz ba? Aıtyńyzdarshy sizder, el basqaryp otyrǵan sheneýniksizder ǵoı.
oı myrza ýádeńiz qaıda meniń artymnan komıssııa jiberem degen?
Istiń mán-jaıyna qanyq bolǵyńyz kelse, ózińiz jumys saparymen Baıqonyrǵa kelińiz.
Turǵyndardyń ekologııalyq jaǵdaılardan densaýlyqtary buzylǵan, áleýmettik jaǵdaıy qorǵalmaǵan jerde qalaı turyp jatqandaryn kóresiz. Egerde kelseńiz egemendi Qazaqstannyń tarıhynda Baıqonyrǵa alǵashqy kelgen densaýlyq mınıstri Siz bolasyz. Baıqonyr aýrýhanasynda bolyp jatqan bylyqty óz kózińizben kóresiz. Sol kezde ǵana jemqorlyq jaılaǵan medıına salasy bir tártipke keledi dep úmittenemiz.
Álde mınıstrler Nur-Sultanda kabınetten shyqpaı statıstıkalyq boltologııamen aınalysý úshin otyr ma?
Eger siz naǵyz halyqtyń densaýlyq saqtaý mınıstri bolsańyz, bizdiń qoıyp jatqan máselemizdi sheshińiz!
Osy kúrdeli máseleni sheshseńiz, Baıqonyr halqynyń alǵysy sizge sheksiz bolar edi.
Álde Reseıdiń Baıqonyr halqyn ýlap jatqan radıaııasynan qorqasyz ba?
Baıqońyr aýrýhanasynyń bas dárigerine baılanysty BAQ- arqyly Prezıdentke, Parlamentke, prokýrorlar,
mınıstrlerge, ákimderge jazǵan aryz-shaǵymdarymyz qaıtyp sońynda oblystyq densaýlyq departamentine máseleni sheshý úshin kelip tireledi.
Al bizde S.Pazılov basqarǵan Qyzylorda oblystyq densaýlyq saqtaý departamenti osy sozylyp ketken kúrdeli máseleni sheshe almaı otyr.
Óıtkeni ol Baıqońyr aýrýhanasynyń bas dárigerinen ólerdeı qorqady. Ne sebepti ekenin bilmeımiz.
Osyndaı bizde eksess bolyp tur: Oblystyq densaýlyq saqtaý basqarmasynyń bastyǵy óziniń baǵynyshty qyzmetkerinen qorqady. Kúlkili dep oılaısyzdar ma? Joq jylaý kerek.
Sonda ne sebep: sybaılastyq pa, álde taǵy da biz bilmeıtin qupııasy barma?
Qazirgi jaǵdaıda Pazılov myrza oblystyń bas dárigeri esebinde Baıqońyr halqynyń aldynda abyroıynan múldem aıyrylyp qaldy. oı myrza, Pazılov sizge bári jaqsy "Prekrasnaıa Markıza" dep baıandaıtyn shyǵar.
Osy ýaqytta Baıqonyrda jaǵdaı jarylǵaly tur. Ol bizdiń aýrýhanaǵa, onyń bas dárigeri Jandos Ádilhanǵa baılanysty. Bul kisiniń sybaılastyq pen etıkaǵa saı emes arsyzdyq isteri birneshe ret BAQ quraldarynda jáne tikeleı Sizge baıandaldy. Qázirgi jaǵdaıda aýrýhana qyzmetkerleriniń moraldi-psıhologııalyq ahýaly óte tómen. Osynyń ózi ǵana bas dárigerdi ornynan alyp tastaýǵa negiz bolar edi. Bas dárigerdiń is- áreketterindegi sybaılastyq asqynyp tur. Olar barlyq jerde bar, biraq áli kúnge deıin bul problemanyń núktesi qoıylmaǵan.
Biz bilemiz, Oblystyq densaýlyq saqtaý basqarmasynan, qarjy baqylaý komıtetinen aýrýhanada sapaly, ashyq, tereń tekserýler bolǵan emes. Eger bolǵan jaǵdaıda da bas dáriger olardy satyp alady. Oǵan onyń qabileti de jaǵdaıy da keledi.
Ony bári biledi, óıtkeni ol bizdiń, al qazir "óziniń" aýrýhanasynyń arqasynda jergilikti olıgarhqa aınaldy.
2020 jyldyń aıaǵyndaǵy ujymdyq jınalystyń sheshimimen 20 000 000 mıllıon teńgeniń kenetten quryp ketýine kim kináli? Halyqtyń salyǵynan jınalǵan bul qomaqty qarjy qaıda joǵaldy jáne osy ýaqytqa deıin nege áli jaýaby joq? Halyq arasynda óz aralarynda (jaqyndary) bólip alypty degen áńgime tarap júr.Osy aıtqandarymyz jalǵan dese, ótirik emes ekenin dáleldesin, halyqqa esep bersin. Biz tyńdap, taldaǵymyz keledi, eger bizdiki durys bolmasa keshirim suraýǵa daıynbyz. Shyndyqtyń túbine jetý úshin bizge qarjy baqylaý komıtetinen tekserý kerek. Ásirese, bul tikeleı Baıqonyr aýrýhanasynyń qyzmetkerlerine qatysty, ıaǵnı qanshalyqty olardy tonap jatyr, álde aldap jatyr ma?! Senimdi kózderden bilgenimiz, pandemııa kezinde, ıaǵnı qazan-qarasha aılarynda jalǵan mobıldi grýppa qurylyp (jalǵan vedomost ) jeke bank kartochkalaryna aqsha aýdarylyp óz aralarynda qyzmetterine baılanysty bólingen. Aqshanyń mólsheri óte kóp.
Eger biz jala jaýyp jatsaq, halyq aldynda taza ekenderińdi dáleldeńder! Bul baıqamaı syrtqa shyǵyp ketken faktiler, al biz bilmeıtinimiz qansha ekenin bir Qudaıdyń ózi biledi. Aýrýhanadaǵy qarajat, memlekettik bıýdjet ne bolyp jatqany jeti qat jerdiń astyndaǵy qupııa.
Bul jaǵdaıdy kim tekserý kerek? Densaýlyq saqtaý mınıstri me? Álde oblystyq densaýlyq saqtaý basqarmasy ma? Nemese qarjy baqylaý komıteti me? Ishki ister mınıstrligi me? Kim?
Satylmaıtyn, qatań komıssııa kelip tekserý kerek, sol kezde bylyqtyń (qarjylyq, qylmystyq) bári syrtqa shyǵady. Joǵarydaǵy BAQ- ta, basqa da aıtylǵan faktilerge qosymsha taǵy bir qylmystyq isti tolyqtyrǵymyz kelip tur. Aýrýhanada lıenzııa joq bola tura osy ýaqytqa deıin kosmetologııalyq operaııalar jasalyp keldi. Tań qalyp, masqara bolatyny - osy operaııalardy irińdi tańý bólmesinde(gnoınyı perevıazochnyı) jasaǵan. Bul operaııalar operaııalyq blokta, sterıldi jaǵdaıda jasalýy kerek. Qudaı saqtap qalǵan, eger asqyný bolǵanda bolsa keri proess bolar edi. Qynjyltatyny, bul operaııalar aýrý tarıhy (ıstorııa boleznı) ashylmaı, tirkelmeı astyrtyn tyǵylyp jumys bitkennen keıin jasalǵan. Uıymdastyryp "krysha" bolyp otyrǵan bas dáriger Jandos Ádilhan. Operaııanyń esebi joq, ıaǵnı óte kóp.
Bul qylmys emes pe?
Álde qylmys bolý úshin adam ólý kerek pe?
Aıqaı-shý shyqqan soń lezde jaýyp tastady. Qujat joq, demek problema joq, qolyńnan kelse dáleldep al dep qoryqpaı otyr. Meniń Jandos Ádilhandy áshkereleý kezinde meniń atyma ol kisiden talaı ret qorqytý áreketteri boldy.
Biraq meni tyǵylǵan(skrytyı) telefon arqyly boqtyqpen balaǵattaǵany meniń ashýymdy keltirip, namysyma tıdi. Jazylǵan sms-terdi prokýratýranyń aıtýymen Shymkentke (sol jaqta ǵana jasaıdy) 2 aı buryn fılologııalyq ekspertızaǵa berdim. Sonyń nátıjesi keshe keldi. Barlyǵyn uıymdastyrǵan, qatysy bar kim dep oılaısyzdar ǵoı?
Myna kisiler: bas dáriger Jandos Ádilhan, zańger Almas Turǵanbaı, programıst Maqsat Shakırbekov. Olarǵa qarsy Baıqonyr Ishki ister bólimimen is qozǵaldy. Bas dárigerdiń bet beınesi osy. Adamdy emdeý isimen emes, ózine qarsy shyqqan qyzmetkerlerdi qorqytý, balaǵattaý, kemsitý, aldaý, shantaj jasaý isimen aınalysady.
Eń mańyzdysy bas dárigerdiń Rossııanyń polıııalarynyń kómegimen aýrýhana qyzmetkerlerin qorqytyp basqarýy ultaralyq shıelinistiń týýyna ákelip soǵýy múmkin. Egerde halyqaralyq janjal shyqsa, oǵan Jandos Ádilhannyń tikeleı is áreketi sebep dep sanaımyz.
Qurmetpen, Darbýzova Ǵ. jáne fakti jınaǵan aýrýhananyń qyzmetkerleri.
"Adyrna" ulttyq portaly
(Avtorlardyń kózqarasy redakııanyń kózqarasyn bildirmeıdi. Eger de qarsy taraptyń pikiri týyndasa, ony da jarııalaýǵa daıynbyz!)
