Memleket basşysy Qasym-Jomart Toqaev Türkiia Prezidentı Rejep Taiip Erdoǧanmen kezdestı. Būl turaly Aqorda mälımdedı, dep habarlaidy “Adyrna” ūlttyq portaly.
Memleket basşysy bauyrlas Türkiia prezidentımen Baku törınde kezdesıp otyrǧanyna quanyşty ekenın jetkızıp, biyl Qazaqstan men Türkiia arasyndaǧy Dostyq jäne yntymaqtastyq turaly kelısımge 30 jyl tolǧanyn atap öttı.
«Qazır de bauyrlastyq qarym-qatynasymyz qarqyndy damyp jatyr. Saiasi deŋgeide syndarly dialog bar. Ükımetterımızdıŋ yqpaldastyǧy artyp keledı. Türkiia – Qazaqstannyŋ eŋ ırı bes sauda serıktesınıŋ bırı. Byltyr ekıjaqty sauda-sattyq 6 milliard dollarǧa jettı», – dedı Qasym-Jomart Toqaev.
Sonymen qatar Prezident Türkiianyŋ Qazaqstan ekonomikasyna mol qarjy qūiǧan negızgı investorlardyŋ qatarynda ekenıne nazar audaryp, türık biznesmenderınıŋ qatysuymen jüzege asyrylyp jatqan investisiialyq jobalar jeke baqylauynda bolatynyn mälımdedı.
Rejep Taiip Erdoǧan Qazaqstan men Türkiia arasyndaǧy qarym-qatynas strategiialyq sipatta damyp kele jatqanyn atap ötıp, ekı eldıŋ sauda-ekonomikalyq yntymaqtastyǧyn odan ärı jandandyru üşın mol äleuet bar ekenın aitty.
«Qadırlı bauyrym, kelesı jyly Ankarada ötetın Joǧary deŋgeidegı strategiialyq yntymaqtastyq keŋesınıŋ 5-şı otyrysy barysynda auyl şaruaşylyǧy, qorǧanys, energetika, kölık-logistika, sondai-aq mädeni-gumanitarlyq salalarda maŋyzdy kelısımderge qol jetkızetınımızge senımdımın. Bız Qazaqstanmen aradaǧy sauda ainalymyn 15 milliard dollarǧa deiın arttyruǧa ūmtylamyz», – dedı Türkiia prezidentı.
Būl rette Rejep Taiip Erdoǧan türık kompaniialary Qazaqstan ekonomikasynyŋ ärtürlı sektorynda tabysty jūmys ıstep jatqanyna toqtaldy. Onyŋ aituynşa, türık biznesmenderı Qazaqstandaǧy auyl şaruaşylyǧy salasynyŋ äleuetın igeru, AES salu jäne mūnai-gaz tasymaly baǧytynda täjıribe bölısıp, özara tiımdı serıktestık qūruǧa daiyn.
Būdan bölek memleketter basşylary halyqaralyq jäne aimaqtyq kün tärtıbındegı özektı mäseleler jönınde pıkır almasyp, köpjaqty qūrylymdar aiasynda bır-bırıne qoldau körsetu jönınde uaǧdalasty.
Ūqsas jaŋalyqtar
