"Qandy qańtarǵa 1 jyl": Halyq shyndyqqa kóz jetkizýi kerek! - Qoshanov

8705
Adyrna.kz Telegram

Májilis tóraǵasy Erlan Qoshanov "Qandy qańtarǵa" qatysty pikir bildirip, erteń 5 qańtarda 10:00-de Májiliste Qańtar oqıǵasy boıynsha arnaıy tyńdaý ótetinin habarlady, dep jazady "Adyrna" ulttyq portaly. 

«Qańtar oqıǵasyna» týra bir jyl tolyp otyr. Bul jaǵdaı elimiz úshin táýelsizdik jyldaryndaǵy eń aýyr synaq boldy. Qańtardaǵy qaıǵyly oqıǵalardyń jarasy da, saldary da jeńil bolǵan joq. Sondyqtan, halqymyz da, qoǵam da ol týraly jan jaqty ári ashyq aqparat alǵysy keledi. Memlekettiń ózi soǵan múddeli. Sebebi, Prezıdent aıtqandaı, halyqtan jasyratyn eshteńe bolmaýy tıis, qoǵam shyndyqqa kóz jetkizýi kerek. Osy rette, Parlament Májilisi bolǵan oqıǵanyń mán-jaıyn, tergep-tekserý barysyn únemi baqylaýda ustap kele jatqanyn bilesizder. Ótken jyly memlekettik jáne quqyq qorǵaý organdarymen birge ashyq talqylaýlar ótkizdik. Sol talqylaýlar barysynda biraz máselege naqty jaýap berildi. Degenmen, el arasynda Qańtarǵa qatysty áli de suraqtar jetkilikti. Ótken bir jyldyń ishinde qoǵamda túrli pikirler, qıly qaýesetter taraýmen boldy. Sondyqtan, osy bir jyldyń ishinde júrgizilgen tergeý amaldarynyń nátıjelerin ashyq jarııalaý úshin, 2023 jylǵy 5 qańtarda Májilis qabyrǵasynda arnaıy tyńdaý ótedi. Tyńdaýda Bas prokýror men quqyq qorǵaý organdary basshylary esep beredi. Qoǵam belsendileri, BAQ ókilderi qatysady. Arnaıy otyrys respýblıkalyq «Habar 24» telearnasynda jáne Májilistiń saıtynda, áleýmettik jelilerdegi resmı paraqshalarynda tikeleı efırde kórsetiledi, - dep jazdy Erlan Qoshanov.

"Adyrna" ulttyq portaly 

Pikirler