Pýtın nege vakına almady nemese QazVac qashan moıyndalady?

2099
Adyrna.kz Telegram

Búgin prezıdent Toqaev onlaın rejımde Dúnıejúzilik jensaýlyq saqtaý uıymynyń basshysy Tedros Adhan Gebreıesýspen jolyǵypty. Elishilik talqynyń biri – Qazaqstan ǵalymdary ázirlegen QazVac vakınasy Dúnıedúzilik mamandar tarapynan qashan tekserilip, resmı emge jaramdy dep tanylatyny týraly sóz edi.

Búgin onlaın formatta jolyqqan prezıdent Toqaev pen DDSU basshysy ekeýara koronavırýs pandemııasyna qarsy is-qımyl boıynsha yntymaqtastyqty nyǵaıtýdyń perspektıvalary jaıynda hám COVID-19 indetine qarsy ekpe egý týraly sóztalqy jasaǵan.

Prezıdent DDSU basshysyna qazaqstandyq QazVac vakınasynyń klınıkalyq synamalarynyń aldyn ala nátıjeleri týraly, onyń tıimdilik deńgeıi 96 paıyz ekeni, qazirgi ýaqytta salalyq organdar otandyq vakınaǵa kelisim alý úshin DDSU-men jumys júrgizip jatqanyn aıtqan.

Al Tedros Adhan Gebreıesýs óz kezeginde: «Búginge deıin 2 mıllıon adamǵa vakına salynǵan eken. Bul óte jaqsy kórsetkish. Kóptegen el mundaı deńgeıge jetken joq. Halyqtyń 55 paıyzyna ekpe salamyz degen maqsattaryńyz qoldaýǵa turarlyq», - dep pikir bildiripti.

Ol sondaı-aq, QazVac ekpesiniń ázirlemesin qoldaıtynyn jáne Dúnıejúzilik densaýlyq saqtaý uıymy tótenshe jaǵdaı kezinde paıdalanýǵa bolatyn dári-dármekterdiń tizimine qosý múmkindigin qarastyrýǵa daıyn ekenin aıtqan eken. «Aqorda» solaı dep habar taratty.

Aıta keteıik, qazirgi tańda Qazaqstan bıligi resmı túrde úsh vakınaǵa ruqsat bergen Olar: Hayat-Vax, QAZVAC jáne Spýtnık V. Osylardyń ishinde halyqqa jappaı egilip jatqany Reseılik Spýtnık V vakınasy.

Resmı statıstıkaǵa súıensek, qazirgi ýaqta Qazaqstanda uzyn-sany 3 mıllıon 97 myń 941 adamǵa vakına salynǵan. Al vakınanyń tolyq komponentterin alǵandary sany 1 mıllıon 21 myń 100 adam eken. Al QR Densaýlyq saqtaý mınıstri Alekseı oı kúzge deıin barlyǵy 10 mln adamǵa vakına egý josparlanǵanyn aıtqan.

Taqyrypqa tuzdyq retinde, biz Reseılik Spýtnık V vakınasy týraly reseılik saıasatker Andreı Karaýlovtyń ýkraın jýrnalısti Dmıtrıı Gordonǵa bergen suhbatynda aıtqan ózekti oılaryna sholý jasaǵandy jón kórdik. Eskertý: Suhbat osydan birneshe aı buryn alynǵan hám jarııalanǵan.

Andreı Karaýlov:

Eń sumdyq sóz – dárigerlerdiń «indetten qulan-taza aıyqty» degen sózderi. Reseı Federaııasynyń shuǵyl shtaby kún saıyn «tolyq aıyqty» degen bos sózdi aıtady. Tolyq degenińiz – onyń artynda eshqandaı saldary týmaıdy degen sóz. Al koronavırýs ta, SPID sekildi, ımmýnıtet tolyq ólgen kezden bastap, indettiń saldary sezile bastaıdy.

Koronavırýstyń ózi sonshalyq qaýipti vırýs emes. Bul – jumsaq vırýs. Intellıgentti vırýs. Al oǵan ımmýndyq júıeniń kúresýi – mine, gáp osynda. Indettiń saldaryn týdyratyn da osy ımmýnıtettiń jaýaby. Bul da SPID sekildi. Onyń saldary búgin-erteń shyǵa qoımaýy múmkin. Bálkim bir jyl, bálkim tórt jyl t.b. Júre seziledi. Sondyqtan, «indetten tolyq aıyqty» degen sóz – baryp turǵan ońbaǵannyń sózi.

Bul qoldan jasalǵan indet. Bul týraly bizdiń arnamyzda jýrnalıst emes, ǵylym doktory, ınstıtýt dırektory birinshi jaǵdaılar 2013 jyly AQSh bazasynda tirkelgenin aıtqan. Shyndyǵynda, biz bul indettiń qaıdan shyqqanyn anyqtaı almaımyz. Anaý, Nıý Iorktegi «egiz munaradaǵy» terraktiniń qupııasy sekildi, túp shyndyǵyn eshqashan bile almaımyz. Al bunyń qoldan jasalǵany jáne oǵan SPID elementiniń qosylǵany aıdan anyq!

Qazir osy koronavırýstan keıin qanshama aýrýlar paıda bolýda. Osy koronavırýstan keıin qansha adam aıaq-qoldarynan aıyryldy?.. Biz áli kúnge indettiń saldary týraly eshteńe bilmeımiz.

Onıenko álginde: «Spýtnık vakınasy 60 jastan asqandar úshin qaýipti», - dep málimdedi. Spýtnık vakınasy óte aýyr vakına. Ony jasaý da aýyr. Óndirýshilerdiń ózderi onyń aýyr qorytylatynyn aıtyp otyr.

Lýkashenkonyń baspasóz hatshysy Natalııa Eısmont aldyńǵy jazda vakına alǵan. Spýtnıktiń eki dozasyn alǵan. Qazir onyń jaǵdaıyn qarańyz. Jelide onyń Lýkashenkonyń kómekshisimen sóılesken áńgimesi tarady. Bir anyǵy - vakınaııadan keıin de koronavırýspen aýyrǵan jaǵdaılar kún saıyn artyp keledi.

Pýtın vakına saldyrdy ma? Joq, árıne! Qyzy vakına saldyrǵany ras. Tipti onyń qalaı bolǵanyn da bilemin. Kúlýdiń qajeti joq. Ol Reseıge qyzmet etkisi keldi. Ol óz aınalasyndaǵylardan «Reseıge qalaı qyzmet etýim kerek», dep suraǵan. Aınalasyndaǵylar vakına saldyrýdy aıtqan. Tipti, onyń vakına saldyrǵanyn Pýtın de bilmegen.

Myna qyzyqty qarańyz. Bizde Kırıll Dmıtrıev degen adam bar. RF Tikeleı ınvestıııalar qoryn basqarady. Reseı vakınasyn álemdik naryqqa taratyp júrgen solar. Mine, sol Dmıtrıev byltyr mamyr aıynda AstraZeneca satyp alǵan, halyqtyń aqshasyna. Onysy jáne az da emes. Biz áýelde bul vakınany Pýtın men onyń aınalasyndaǵylarǵa salar dep oılaǵanbyz. Keıin bul AstraZeneca-dan da pále shyqty. Aınalyp kelgende AstraZeneca men Spýtnık ekeýi birdeı bolyp shyqty.

Eń sońynda ne bolǵanyn bilesiz be? Kúlesiz. Al mundaı jaǵdaı tek Reseıde bolýy múmkin. Jańaǵy Dmıtrıev degenińiz eń aqyrynda AstraZeneca men Spýtınık egen eki vakınany biriktirý týraly usynys jasady.

Nurgeldi ÁBDIǴANIULY,

"Adyrna" ulttyq portaly

 

 

Pikirler