Qazaqtyń qas jaýy, kózine qan tolǵan qanisher, genoıd jasaýshy jaýyz Goloekındi bilmeıtin qazaq joq shyǵar. Fılıpp Isaevıch Goloekın 1876 jyly Vıtebskide ómirge kelgen edi. Ómiriniń san jylyn Reseıdegi revolıýııalyq qozǵalystarǵa arnaǵan. Patsha áýletiniń atylýyna tikeleı qatysyp, áskerı shenge ıe bolǵan.
1924-1933 jyldar aralyǵynda Qazaqstannyń Kompartııasynyń bas hatshysy (búgingi tilmen aıtqanda prezıdenti) qyzmetin atqarady. Osy jyldar aralyǵynda asa jaýyzdyq pen qatygezdik saıasatyn ustanǵan ol, ujymdastyrý saıasatyn kúshpen júrgizdi. «Kishi qazan» ıdeıasyn usynyp, sol áreketin iske asyrý jolynda baılar men qarapaıym halyqty qanady. Ol "Qazaqstanda kommýnıstik júıeniń ıisi de joq" dep eseptep, qaıta tóńkeris jasaý kerek degen oıda boldy.
1928 jyldan bastap ol saıasatyn qanmen asyra bastady. Qarsy shyqqandy atty, asty, túrmege japty. Qazaqtyń saıası elıtasy men zııalylaryn qýdalap, qýǵyn-súrgin saıasatyn iske asyrdy. A.Baıtursynov, M.Dýlatov, J.Aımaýytov, M.Jumabaev, S.Sádýaqasov, S.Qojanov, J.Myńbaev, N.Nurmaqov jáne ózge de ult zııalylyrynyń artyna sham alyp túsip, qýdalady. 1931-1933 jyldar aralyǵynda elimizde Goloekın saıasatynyń áserinen asharshylyq ornap, Qazaq halqynyń 60 paıyzy nemese 3 mln halyq qyrylyp qaldy. Mıllıondaǵan halyq bosyp, Qytaı men Ózbekstan, Monǵolııa men Reseı jáne ózge de aımaqtarǵa qonys aýdardy. 1933 jyly Qazaqstandaǵy ashtyqtyń deńgeıi orasan zor jáne shyǵynynyń alpaýyt bolýyna baılanysty, ony ornynan alyp tastap, KSRO-nyń bas arbıtri qyzmetine taǵaıyndady. 1933-1937 jyldary sol qyzmetti atqarǵan álgi Goloekın qanisherdiń ózi saıası qýǵyn-súrginge ushyrady. Sóıtip ultymyzdyń ulandaryn jalmaǵan saıasattyń qurbanyna ózi aınaldy.
1939 jyly 15 qazanda «Halyq jaýy» atanyp, tutqyndaldy. Ol shyn máninde jalǵyz ádiletti aıyptalǵan halyqtyń shynaıy jaýy edi. Sóıtip, 1941 jyly 28 qazanda Kýıbyshevte atyldy. Solaısha kórińde ókirgir jalmaýyz ajal qushty. Alaıda qazaqty qyrǵan qanipezerdi 1961 jyly KSRO aqtap shyqty.
"Adyrna" ulttyq portaly
