Bırınşı mamyrdan bastap erıktı zeinetaqy jarnalaryn merzımınen būryn alatyndar tızımı keŋeidı. Būl turaly Bıryŋǧai jinaqtauşy zeinetaqy qory mälımdedı, dep habarlaidy «Adyrna» ūlttyq portaly Sputnik Qazaqstan saityna sılteme jasap.
Erıktı zeinetaqy jarnasy – salymşylardyŋ öz bastamasymen zeinetaqy qoryndaǧy şotyna audaratyn aqşasy.
Zeinetaqymen qamsyzdandyru turaly zaŋǧa säikes, erıktı zeinetaqy jarnasyn merzımınen būryn aluǧa myna sanattaǧy adamdarǧa rūqsat etıledı: – elu jasqa tolǧan; – mügedekterge; – Qazaqstan şegınen tysqary jerge tūraqty tūruǧa ketetin nemese ketken şeteldıkter men azamattyǧy joq adamdar (ketu nietin nemese faktısın rastaityn qūjattardy ūsynǧan jaǧdaida); – BJZQ-da jäne (nemese) erıktı jinaqtauşy zeinetaqy qorynda erıktı zeinetaqy jarnalary men olarǧa eseptelgen investisiialyq kırıs somasy şegınde kemınde 5 jyl zeinetaqy jinaǧy bar adamdar.Soŋǧy sanat tızımge biyl mamyrda ǧana endı. Endı zeinetaqy qoryna erıktı zeinetaqy jarnalaryn kemınde bes jyl audarǧan azamattar şottaǧy aqşasyn merzımınen būryn aluǧa qūqyly. Mäselen, eger salymşy EZJ-ny 20 nemese 30 jastan bastap audarsa, tiısınşe 25 nemese 35 jasqa tolǧanda özınıŋ alǧaşqy tölemın alady. Aita ketsek, 2021 jyldyŋ 1 mamyrynan erıktı zeinetaqy jarnalaryn esepke alu üşın şottar avtomatty türde aşylady. Jeke zeinetaqy şottaryn aşuǧa BJZQ-ǧa tüsken alǧaşqy erıktı zeinetaqy jarnasy negız bolady. Iаǧni salymşyǧa keŋsege barudyŋ qajetı joq. EZJ-ny jeke tūlǧa özı üşın, jeke nemese zaŋdy tūlǧalar basqa bıreu üşın audara alady. Būl rette jarna mölşerı men merzımdılıgın salymşy özı aiqyndaidy. Erıktı zeinetaqy jarnalaryn ekınşı deŋgeilı bankter nemese Qazpoşta arqyly audaruǧa bolady. Keibır bankterde zeinetaqy jarnasyn onlain (mobildı qosymşa nemese özıne-özı qyzmet körsetu terminaldary) audaru mümkındıgı qarastyrylǧan. Būdan bölek, BJZQ aqparatynşa, öz paidasyna erıktı zeinetaqy jarnasyn tūraqty audaryp tūru üşın jūmys beruşınıŋ atyna ötınış jazuǧa da bolady. Sonyŋ negızınde jūmys beruşı jarnany ötınış iesınıŋ ne üşınşı tūlǧanyŋ şotyna tūraqty türde audaryp otyrady.
"Adyrna" ūlttyq portaly
(foto Aikyn.kz saitynan)
Ūqsas jaŋalyqtar
