Súıgenińmen sóılese bil. Qarym-qatynasty úzetin eń birinshi belgi sóıleskiń kelmeý, úreıińdi, qorqynyshyńdy aıtpaý, ózińniń qıyndyǵyńmen bólispeý, arman, qııalyńdy tyǵyp ustaý...
Áıelge sóılesý aýadaı qajet. Oǵan seniń daýysyńdy estý, daýysyń, daýys yrǵaǵyń, ekpiniń arqyly seni seziný mańyzdy. Jjanyna kerek sózderdi estýi mańyzdy. Odan bas tartpa. Tas júrek bolma. Úndemeı qutylýdy ádet qylma. Onyń ómirinde ne bolyp jatqanyn sura. Búgin ne istegeni, kóńil kúıi neshik ekenin sura. Baryńmen bólis. Oǵan ádil bol, adal bol. Oınama. Oıynshyq etpe.
Áıel bárin názik túısikpen sezinedi. Ýáde berseń – sózińde tur. Bas tartpa. Jeńilme. Júnjime. Ýáde de tura almasań, jigersizdik tanytyp, kegińdi odan alma. Sen onymen sóıles. Áıeldiń bári kishkentaı qyz sekildi. Ol kútedi, úmittenedi, tileıdi. Shamań kelgenshe jyly sózińdi aıt. Áıelge ózin maqtaǵan, jaqtaǵan sózder unaıdy. Jylyna bir ret emes. Ylǵı aıtyp júr.
Eger senen júz besinshi ret «meni súıesiń be?» dep surasa da ashýlanba, júz besinshi ret «ıá» deýden tanba. Qaıda júrseń de, úıde de, túzde de, shýly ortada da oǵan maqtaý sóz aıtyp otyr. Onyń náziktigin, súıkimdiligin eskertip júr. Súıiktińmen sóılesip júr. Maqta, qolda, tánti bol. Árqashan, ár kezde, ómir-baqı.
Arsenıı Mıhaılov
Aýdarǵan Shynar Ábildá
