Kez kelgen psıhologııalyq test ózińniń jasyryn jatqan qasıetterińdi ashýǵa kómektesedi. Búgingi testten tórt kelinshektiń ishinen bireýin tańdaý arqyly ózińizdiń basty minezińizdi bile alasyz.
1. Bolashaq ana
Sizdiń basty qasıetińiz – qarapaıym bolý. Bul ádetti barlyq jerde qoldanasyz: syrt kelbetińiz de, qarym-qatynas jasaǵanda da, jalpy ómirde qarapaıymsyz. Eshteńeni qıyndatqyńyz kelmeıdi. Kez kelgen sheshim qabyldarda júregińizdiń únine qulaq túresiz, oǵan eshqashan ókinbeısiz de. Alaıda anda-sanda aqylyńyzdyń aıtqanyn tyńdap otyrsańyz da qatelespeısiz.
2. Bastyq hanym
Siz alǵa qoıǵan maqsatyńyzǵa jetpeı qoımaıtyn jansyz. Sizdiń bul qasıetińizge kóbi qyzyǵa da, qyzǵana da qaraıdy. Áldebireý sizdi ashýly júredi degen oıda qalýy múmkin. Alada siz árdaıym óz ornyńyzdy bilesiz jáne óz kúshińizge senesiz. Dál osy qasıetińiz arqyly ózgeler jolda súrinip jatqanda qaıta turyp júgirip, mejeli jerge jetip alasyz. Qadalǵan jerińizden qan almaı qoımaısyz. Tek týystaryńyzdyń, jaqyn jandaryńyzdyń barlyq tilegin oryndaýǵa mindetti emes ekenińizdi umytpańyz.
3. It ustaǵan kelinshek
Sizdiń eń basty qasıetińiz – kreatıv oılap tabý. Armanyńyz asqaq, ony júzege asyrý úshin baryńyzdy salasyz. Alaıda jaqyn adamdaryńyzdyń barlyǵy birdeı ómirlik kózqarasyńyzdy quptaı bermeıdi. Keıbiri sizdi durys túsinbeıdi. Aınalańyzǵa ózińiz jaqyn tartatyn jandardy ǵana jınaǵanyńyz abzal. Sonda ǵana ómirde jetistikke jete alasyz.
4. Isker áıel
Sizdiń tańdaýyńyz realıst ekenińizdi kórsetedi. Túnerip júre almaısyz, óz baǵańyzdy bilesiz. Kez kelgen jaǵdaıǵa ońaı beıimdelip ketesiz. Ashyq-jarqynsyz, ózgelermen tez aralasyp ketesiz, kez kelgenniń tilin tabasyz. Jańa aqparatty tez qabyldaısyz, paıdańyzǵa da jarata alasyz. Sizge tek ózińizge senimdi bolý kerek. Ózińizge berer baǵańyzdy arttyryńyz, óz kúshińizge senińiz.
Derekkóz: massaget.kz
