Özgertu üşın, özgeru üşın ne ısteu kerek? Būl tūrǧyda psihologtar sızge qandai aqyl aitady? Bılgıŋız kele me? Onda surettegı alty almanyŋ bıreuıne qol sozyŋyz.
1-ALMA
Qiyndyqty, baqytsyzdyqty salmaqty qabyldaisyz. Basyŋyzdy būlt şala qalsa keibıreuler sekıldı eŋseŋız iılıp ömırden tüŋılmeisız. Ömır aldyŋyzǧa tosqan tosqauyldan, synaqtardan oŋai öte alasyz. Ainalaŋyzdaǧy adamdardyŋ pıkırı sız üşın – bos äŋgıme. Özıŋızdıŋ «adresıŋızge» baǧyttalǧan jaǧymsyz pıkır men ösek sözdı elemeisız. Psiholog mamandardyŋ boljauynşa, mūndai adamdardy tym aqyldy nemese tym aqylsyz deuge bolady eken.
Psiholog keŋesı: «Alma aǧaşynan alys tüspeidı. Aitqan syn şyn bolǧanymen, tüzeletınder az. Tym turaşyl bolmaŋyz. Turasyn aityp, tuǧanyŋyzǧa da jaqpaisyz Betke aitatyn tık mınezıŋızdı özgertıŋız».2-ALMA
Energiiasy mol, şydamsyz jansyz. Sızdıŋ dūşpanyŋyz – byrsydyrǧylyq, bırqalyptylyq. Bırıne-bırı ūqsaǧan künder jalyqtyrady. Sondai künderdı özgertkıŋız keledı, öitkenı, qyzyqty oqiǧalar sızge şabyt beredı. Adam ömırge bır-aq ret keledı dep, barlyǧynyŋ dämın tatyp körgıŋız keledı. Sız üşın bärı täjıribe. Tıptı, otbasy qūruǧa da solai qaraisyz.
Psihologtyŋ keŋesı: «Alma pısken soŋ özı jerge tüsedı, küte bılıŋız. Pıspei jūlyp alǧan soŋ ärine, bärı de sız üşın dämsız, qyzyqsyz. Ūstamdylyqqa, salmaqtylyqqa üirenıŋız».
3-ALMA
Ainalaŋyzdaǧylar sızdı eşkımge ūqsamaityn erekşe jan dep sanaidy. Aqyl men keŋes sūraidy, qūrmetpen jäne qyzyǧuşylyqpen qaraidy. Naqtyraq aitqanda, olar üşın sız bılmeitın närse joq, danasyz. Şyn mänınde būl özgenı özıŋızge tartyp tūratyn Tabiǧat syilaǧan magnittık qasiet ǧana. Äitkenmen, būl qasiettı damytyp, dūrys pailana bılseŋız, közıŋız jetkenmen, aiaǧyŋyz jetpegen köp biıkterge şyǧa alasyz.
Psihologtyŋ keŋesı: «Alma aǧaşy jemıstı köp salǧan saiyn būtaqtary tömen iıledı. Qūrmetteu basqa da qūrmetke laiyq bolu bır basqa. Eşqaşan astamşylyq tanytpaŋyz».
4-ALMA
Az söilep, köp tyŋdaityn öte qyraǧy adamsyz. Aldyŋyzda söilep otyrǧan adamnyŋ sözınıŋ ǧana emes, är qimylynyŋ astaryna üŋılesız. Uaqytyŋyzdyŋ köp bölıgın özıŋızdı damytuǧa, ömırıŋızge qajettı kıtaptardy oquǧa arnaisyz. Qarym-qatynasta ūstamdy, salmaqtysyz, ynjyqtyq ta joq emes. Tek özıŋızge eŋ jaqyn adamdar ortasynda ǧana özıŋızdı erkın sezıne alasyz.
Psihologtyŋ keŋesı: «Oqyǧanyŋyz ben bıletınıŋız köp bolǧanymen, ony qajetıŋızge jarata almasaŋyz, paidasy joq. Körsetpeseŋız eşkım körmeidı. Aşyq bolyŋyz».
5-ALMA
Ömır keremet – būl sızdıŋ ömırlık devizıŋız. Özgenıŋ jetıstıgıne şyn köŋılmen quana alasyz. Tıptı, sız jauǧan jaŋbyrǧa, künge qarap ta quanyp, ömırden läzzat taba alasyz. Köŋılı aq, jüregı taza adamsyz. Sızdıŋ riiasyz külkıŋızdıŋ özı ainalaŋyzdaǧy adamdarǧa quanyş syilai alady. Bärın-bärın quantqyŋyz keledı-au. Bıraq būl mümkın emes.
Psiholog keŋesı: «Qūrt tättı almaǧa tüsedı. Keide qyşqyldau da bola bılıŋız».6-ALMA
Adamdarǧa saqtyqpen qaraisyz, senbeisız jäne eşkımge syryŋyzdy da aita bermeisız. Ūşqyr oi, myqty este saqtau qabıletı ūştasqan jansyz. Kez kelgen närsenıŋ, jaǧdaidyŋ ūsaq detaldaryna deiın köz aldyŋyzda «jattap» qala alasyz. Būl sızdıŋ erekşelıgıŋız. Alaida būnyŋ jaman jaǧy da bar, renış pen ökpenı ūzaq jyl ūmyta almai jüresız. Sızdı ökpeşıl, kekşıl, şaǧymdanǧyş adamdar tobyna qosuǧa da bolady.
Psiholog keŋesı: «Jerıne qarai jemısı. Adamnyŋ bärınen özıŋızge ūnaǧan qasiettı ızdep äurelenbeŋız. Är adamdy sol qalpynda qabyldauǧa üirenıŋız». Konfusii «Asa aqyldylar men asa aqymaqtar ǧana özgermeidı» deidı. Sız qaisysyna jatasyz? Eger, būl ekı topqa da kırmeitın bolsaŋyz, onda psiholog keŋesın oryndap, mınezıŋızdı özgertetınıŋız anyq. Özgeruge, özgertuge äreket etıŋız. Aǧaş ekpei jemıs bermes, ıs bıtpei jeŋıs kelmes!
J. Nūrabaiqyzy,
ERNUR.KZ
