Käsıporyn qyzmetkerlerı ündeude jariia etılgen kei aqparat şyndyqqa müldem janaspaitynyn mälımdedı.
- Beineündeude jöndeu jūmystaryn tiıstı deŋgeide jürgızuge qatysty terıs aqparat keltırıldı. Sondai-aq jöndeu zauyty qyzmetkerlerınıŋ käsıbi bılıktılıgı synǧa ılıgıp, däieksız aqparatqa jol berıldı. Jöndeu zauyty jūmyskerlerı energokombinattyŋ ırkılıssız jūmysyn qamtamasyz etu üşın mümkındıgınşe qyzmet etude. Qoldanystaǧy qūral-jabdyqtardyŋ tozuyna bailanysty tötenşe jaǧdailar oryn alatyny jasyryn emes, alaida olar mümkındıgınşe qysqa merzımde joiylady. Kombinat äkımşılıgı oblys äkımdıgımen bırlesıp, kombinat jūmysyn qarjylandyru jäne qoldau maqsatynda jüielı jospar negızınde bırqatar ıs-şaralardy jüzege asyrady. Äleumettık jelılerde taraǧan jalǧan aqparat el arasynda dürbeleŋ tuǧyzady. Al būl öz kezegınde mekemenıŋ jūmysyna kerı äserın tigızedı, - dedı «MAEK» JŞS jöndeu zauyty bas injenerınıŋ orynbasary Qalijan Qabdulov.Beineündeudı joldaǧandar «MAEK» JŞS basşylyǧy men käsıpodaq ökılderı jäne qyzmetkerlerdıŋ qatysuymen kezdesuler ötkızıp, eŋbek jaǧdailaryn jaqsartu jäne eŋbektı qorǧau mäselelerı talqylanatynyn atap öttı. Sonymen qatar, jūmysşylar narazylyǧyn tudyrǧan maŋyzdy mäselelerdı qarau jäne şeşu maqsatynda energokombinatta ai saiyn qoǧamdyq keŋes ötkızıledı jäne de käsıporyn basşylyǧy azamattar men qyzmetkerlerdı apta saiyn qabyldau jürgızedı. Al qūrylǧan telegram chat arqyly qyzmetkerler öz pıkırlerın bıldırıp, sūraqtar qoia alady. Qajet kezde öz ūsynystaryn bıldıredı. Bügıngı taŋda «MAEK» JŞS mekemesınde 3627 adam eŋbek etedı. Käsıbi bılıktı qyzmetkerler kombinatqa qarasty nysandardyŋ öndırıstık jabdyqtaryna qajettı jöndeu jūmystaryn senımdı ärı tiıstı deŋgeide jürgızedı. Öŋır halqyn auyz sumen qamtyp otyrǧan ırgelı käsıporynnyŋ ırkılıssız jūmysyn jürgızıp otyrǧan ūjymnyŋ basty talaby- moraldyq-psihologiialyq ahualdyŋ tūraqtylyǧy. Qazırgı taŋda «MAEK» JŞS mekemesınde «MAEK-Qazatomönerkäsıp» jergılıktı käsıpodaq QB jäne «Yntymaq» bastauyş käsıpodaq ūiymy qyzmetın jürgızedı. Beineötınıştegı avtorlardyŋ da bır bölıgı, osy ūiymnyŋ qatysuyşlary. MAEK-tegı jūmysşylardyŋ ortaşa jalaqysy-271 000 teŋge. 2022 jylǧy nauryzda öndırıstık qyzmetkerdıŋ jalaqysy 30%-ǧa östı (kombinat basqarmasynyŋ basşylary men qyzmetkerlerın qospaǧanda), sondai-aq bır lauazymdyq jalaqy mölşerınde sauyqtyru järdemaqylaryn jäne memlekettık jäne käsıptık merekelerge 10 jäne 25 AEK mölşerınde syiaqylar tölei otyryp mäsele şeşıldı. 2022 jylǧy jeltoqsannan bastap käsıporyn basşylyǧy käsıpodaq ökılderı men qyzmetkerlerdıŋ qatysuymen tūraqty negızde kezdesuler ötkızedı. Onda eŋbek jaǧdailaryn jaqsartu jäne eŋbektı qorǧau mäselelerı talqylanady. Mäselen kezdesulerdıŋ qorytyndysy boiynşa mynadai mäseleler şeşıldı: -2023 jylǧy 1 aqpannan bastap jalaqysy tömen 540 qyzmetkerdıŋ ailyǧy 35% - ǧa östı. -Qyzmetker qaitys bolǧan jaǧdaida bırjolǧy materialdyq kömek mölşerı 100 AEK-ke, al qyzmetkerdıŋ otbasy müşelerıne tölenetın qarjy 30 AEK-ke deiın ūlǧaityldy. -Sonymen qatar, alǧaşqy neke qiiu kezınde 30 AEK mölşerınde bırjolǧy kömek tölemı engızıldı; - Energetika künıne arnalǧan syilyqaqy mölşerı 50 AEK-ke deiın ūlǧaityldy; - Respublika künı merekesıne orai 25 AEK mölşerınde syilyqaqy töleu engızıldı.
"Adyrna" ūlttyq portaly
Ūqsas jaŋalyqtar
