Aqtauda poliseiler jasöspırımnıŋ ömırın saqtap qaldy. Būl turaly Işkı ıster ministrlıgınıŋ baspasöz qyzmetı jariialady, dep habarlaidy "Adyrna".
Bügın saǧat 11:09 şamasynda Aqtau qalasynyŋ teŋız jaǧalauynda polisiia qyzmetkerlerıne teŋız ortasyna qarai bet alǧan, ainalasyndaǧylarǧa män bermegen jasöspırım turaly habar tüstı.
Oqiǧa ornyna dereu jetken Aqtau qalasy polisiia basqarmasynyŋ patruldık polisiia batalonynyŋ qyzmetkerlerı Abdurahim Säteşov jäne Azamat Qarabalaev jaǧdaidyŋ asa qauıptı ekenın körıp, bır sät te kıdırmesten teŋızge sekırgen.
Özderınıŋ jeke qauıpsızdıgın elemei, olar jasöspırımdı jaǧaǧa alyp şyǧyp, balanyŋ ömırın saqtap qaldy. Polisiia qyzmetkerlerınıŋ şūǧyl ärı batyl äreketterınıŋ arqasynda qaiǧyly jaǧdaidyŋ aldyn alu mümkın boldy.
Qazırgı uaqytta jasöspırımnıŋ jaǧdaiy qanaǧattanarlyq, ömırı men densaulyǧyna qauıp joq. Jasöspırımmen profilaktikalyq äŋgıme jürgızılıp jatyr.
Polisiia qyzmetkerlerı kün saiyn azamattardyŋ qauıpsızdıgın qamtamasyz etıp, kez kelgen jaǧdaida, tıptı öz ömırın qaterge tıge otyryp, kömek körsetuge daiyn.
Ūqsas jaŋalyqtar
