Aqtau qalasynda bırneşe üi jylusyz qaldy, dep habarlaidy “Adyrna” tılşısı.
Aqtauda 12 şaǧyn audandaǧy bırneşe üidıŋ tūrǧyndary jylusyz qalǧan. Al jauaptylar būl mäselenıŋ sebebın anyqtauda. Aqtau qalasynyŋ äkımı Ūlyqbek Tnäliev jylusyz qalǧan tūrǧyndardy sabyrǧa şaqyryp, mäselenı tez arada şeşu üşın tiıstı jūmystar jürgızılıp jatqanyn habarlady.12 şaǧyn audandaǧy №42, 47, 32, 34 tūrǧyndary beinejazba jazǧan bolatyn. Bız aldynan berı qalada jylu jelılerıne retteu jūmystaryn jürgızıp kelemız. Qazır 12 ş/a №42, 47, 32 üige baryp tekserıp şyqtyq. Keibır päterlerde jylu bar bolsa, keibırınde jylu jetkılıktı deŋgeide emestıgın kördık. Jyludyŋ ainalymynda (sirkuliasiia) mäsele bar. Qazır sony retteu jūmystary jürıp jatyr. Sonymen qatar köptegen üide tūrǧyndarymyz päterışılık jylu jüiesın özgertkenın baiqadyq. Mäselen, keibır tūrǧyndar batareiany balkonǧa şyǧarǧan, ainalma (peremychka) qūbyrlary joq. Aita ketetın jait päter ışındegı batareia jarylǧan jaǧdaida, oǧan menşık iesı özı jauapty. Tūrǧyndar üidı kütıp ūstauǧa jauapty mekememen (PİK, MİB) bailanysta bolyp, ortaq jūmys ısteuı kerek. Sonda ǧana mäsele tolyǧymen şeşıledı. Jylu mäselesın bırlesıp jūmys ıstegen kezde ǧana şeşıletındıgın jetkızgım keledı. Barşa tūrǧyndardy sabyrlyqqa şaqyramyn. Qazır köptegen nysanda jyludy artyǧymen (peregrev) paidalanu faktısı anyqtaluda, atalǧan mäselenı qarastyryp, jylu qysymyn rettep jatyrmyz. Soŋǧy kezdegı tuyndaǧan jylu mäselesı magistraldyq qūbyrdaǧy apat kesırınen boldy. Ol üşın retteu jūmystaryn jürgızudı qajet etedı. Sondyqtan tüsınıstıkpen qarauyŋyzdy sūraimyz, - dedı basşy.
Ūqsas jaŋalyqtar
