Qasıetti Ramazan aıynda túrli deńgedegi qaıyrymdylyq sharalaryn uıymdastyrǵan birqatar azamattarǵa Shymkent qalasynyń ákimi Murat Áıtenovtiń atynan alǵys hat tabystaldy.
Qala ákiminiń arnaıy joldaǵan alǵys hatyn Shymkent qalasynyń bas ımamy Baqdáýlet Abdrahmanov tabys etip, el Táýelsizdiginiń 30 jyldyǵy men «Shymkent – qaıyrymdy qala» jobasy aıasynda aıanbaı qyzmet etýge shaqyrdy.
Alǵys hatqa «Zeket jáne qaıyrymdylyq» qorynyń Shymkent qalasyndaǵy ókili Aıbek Azımbaev jáne Aljan Sadıev, Erjigit Dosymbaev, Nyǵmet Aıdarov, Erhan Ábish t.b kásipker azamattar ıe boldy.
Aıta keteıik, qasıetti Ramazan aıynda qaladaǵy 32 meshit tarapynan 42 255 adamǵa (sý, qurma, nan, konfet, ystyq tamaq, salat, aıran t.b) «Aýyzashar sebeti» úlestirilse, kásipkerler men meshit jamaǵaty tarapynan 32 500 muqtaj otbasyǵa azyq-túlik (un, maı, sháı, kúrish, qant, tuz, et jáne makaron ónimderi, táttiler, qurma, kartop, pııaz, sábiz, t.b) salynǵan «Ramazan qorjyny» taratylyp, jetkizildi. Jalpy qasıetti aıda 74 755 muqtaj otbasyǵa kómek berildi.
