Belgılı saiasattanuşy - Sanjar Boqaev qazaqstandyqtardyŋ äl-auqaty soŋǧy 10 jyldyŋ ışınde qalai özgergenın mälımdep, kedeilerdıŋ ne sebeptı jyldan-jylǧa kedeilenıp jatqanyna toqtaldy, dep habarlaidy "Adyrna" ūlttyq portalynyŋ tılşısı.
Sanjar Boqaev öz instagram paraqşasynda qazaqstandyqtarǧa kelesıdei mälımdeme jasady:
- 2011 jyly bızdıŋ ortaşa jalaqymyz - 91 myŋ teŋge bolǧan eken. Al 10 jyldan keiın 2021 jyly 251 myŋ bolypty. Qazaqstandyqtardyŋ ortaşa jalaqysy 251 myŋ teŋge ekenıne men jeke öz basym senbeimın jäne de HeadHunter saitynyŋ mälımetı boiynşa, sol jerde körsetılgen vakansiialardyŋ ortaşa jalaqysy - 180 myŋ teŋgege juyq eken. - Bıraq, bız sarapşy bolǧandyqtan, tek qana resmi statistikaǧa jügıngenımız jön. Sondyqtan, osy statistika boiynşa qazaqstandyqtardyŋ 10 jyldyŋ ışınde ortaşa jalaqysy 2,5 esege ösken. Al, negızınde azyq-tülıktı alatyn bolsaq, kölık nemese üi mäselesıne keletın bolsaq, onyŋ baǧasy 2,5 esege emes, 3-3,5 esege ösken ekenı mälım.Būdan bölek belgılı saiasattanuşy bızdıŋ ekonomikamyz importtau ekonomikasyna jatatyndyqtan dollar kursyna öte täueldı bolyp tūrǧanymyzdy, bızdıŋ baǧalarymyz soǧan öte bailanysty ekendıgın de atap öttı.
- Sol üşın bız özımızdıŋ ortaşa jalaqymyzdy 10 jyldyŋ ışınde dollarmen qalai özgergenın baiqasaq bolady. 2011 jyly ortaşa jalaqymyz $626 dollar bolǧan. Al däl biyl ol $590 dollar. Dollarmen qaraityn bolsaq, bızdıŋ jalaqymyz tömendep ketken. - Al, endı bızdıŋ eŋ bai, auqatty qazaqstandyqtardy alatyn bolsaq, olardyŋ tabystary qalai özgergenıne köŋıl böleiık. Myna tablisany qaraityn bolsaq, 2021 jyly bızdıŋ eŋ bai azamattarymyz odan da myqty bailyqqa qol jetkızgen,- deidı Sanjar Boqaev.Iаǧni, saiasattanuşynyŋ zertteuıne süiensek, Forbes-qa engen top 50 eŋ Qazaqstannyŋ bai azamattarynyŋ jalpy sommadaǧy aqşasy 24 mlrd-tan 37 mlrd-qa deiın öskendıgın baiqaimyz.
- Şyn mänınde, būl nenı körsetedı? Bailardyŋ odan saiyn baiyp, bızdıŋ kedeilerdıŋ odan saiyn kedei bolyp jatqanyna köz jetkızedı... jäne de būl bızdıŋ memlekettık saiasattyŋ dūrys emes ekenın körsettı,- deidı saiasattanuşy.Söz soŋynda Sanjar Boqaev: "bız dereu ekonomikalyq modelımızdı özgertkenımız jön. Äitpese, jyldan-jylǧa bız äleumettık distansiiamyzdan ärı ülkeiıp, bailar baiyp, kedeiler kedeilenıp ketıp bara jatqany öte qiyn jaǧdaiǧa alyp keledı",- dep tılge tiek ettı...
"Adyrna" ūlttyq portaly
Ūqsas jaŋalyqtar
