Jalaqyny köteruge 2,5 trln teŋge bölınedı. Būl turaly qarjy vise-ministrı Abzal Beisenbekūly mäjılıste "2024 – 2026 jyldarǧa arnalǧan respublikalyq biudjet turaly" zaŋ jobasyn tanystyrdy, dep habarlaidy “Adyrna” ūlttyq portaly.
Halyqtyŋ tabysyn arttyru baǧdarlamasyn ıske asyru üşın 2024 jyly 3,5 trln teŋge qarastyrylǧan, - dedı ol mäjılıs otyrysynda.
Onyŋ ışınde biudjetten:
- 1,5 millionnan astam jūmyskerdıŋ jalaqysyn köteruge 2,5 trln teŋge;
- öŋırlık jūmyspen qamtu kartalary aiasynda 724 mlrd teŋge;
- "Auyl amanaty" jobasy aiasynda 100 mlrd teŋge;
- memlekettık jäne äleumettık qoldau boiynşa jüielı şaralardy ıske asyruǧa 378 mlrd teŋge közdelgen.
Sondai-aq vise-ministr 2024 jylǧa äleumettık tölemderge arnalǧan şyǧystar 5,3 trln teŋgenı qūraitynyn atap öttı. Onyŋ ışınde bazalyq zeinetaqy men järdemaqy infliasiia deŋgeiıne, yntymaqty zeinetaqy infliasiiadan 2%-ke indeksteledı.
Balalary bar otbasylardy qoldau üşın bala kütımı kezeŋı 1,5 jasqa deiın ūlǧaityldy. 2023 jyldan bastap 93 myŋǧa juyq köpbalaly anaǧa järdemaqy köbeitıldı. Osy maqsatqa 2024 jyly 93,3 mlrd teŋge közdelgen, - dedı Abzal Beisenbekūly.
Būǧan qosa ol äielderdıŋ zeinetkerlık jasy 2028 jylǧa deiın 61 jas deŋgeiınde qalǧanyn eske saldy. Būl 150 myŋnan astam adamǧa qatysty bolady jäne eseptı kezeŋde 473 mlrd teŋgege juyq qarajatty qajet etedı.
