Ingenuity tikushaǵy qyzyl planetada qıyndyqqa tap boldy dep habarlaıdy "Adyrna" ulttyq portaly aeronavtıka jáne ǵarysh keńistigin zertteý jónindegi ulttyq basqarmanyń (NASA) saıtyna silteme jasap.
NASA mamandary tikushaqtyń komanda boıynsha 10 metr bıiktikke kóterilgenin jáne ońtústik-batys baǵytta sekýndyna 4 metr jyldamdyqpen 150 metrge deıin ushqanyn aıtty. Ári qaraı Ingenuity jerdi sýretke túsirý úshin ońtústikke qaraı taǵy 15 metr, keıin soltústik-shyǵysqa qaraı taǵy 50 metrge ushyp, qonýy kerek bolǵan.
Telemetrııa Ingenuity alǵashqy 150 metr ýchaskeni esh kedergisiz ushyp ótkenin kórsetken. Biraq keıin onyń jyldamdyǵynda aqaý paıda bolǵan. Bul ushý sońyna deıin jalǵasqan. Tikushaq jyldamdyǵy birde kóbeıip, birde azaıyp ushý kezinde qıyndyq týǵan.
NASA tikushaq baǵdarlamasynda shamamen 54-shi sekýndta aqaý shyqqanyn anyqtady, ol kameradaǵy ýaqyt pen navıgaııa júıesine teris áser etken. Soǵan qaramastan Ingenuity-diń Marstaǵy altynshy ret ushý áreketi sátti dep sanalady.
Mamandar aqaýlar týraly barlyq derekti muqııat taldaıtyndaryn aıtty.
«Adyrna» ulttyq portaly.
