AQŞ-pen aradaǧy şielenıs küşeigen tūsta İran kez kelgen jaŋa şabuylǧa qysqa merzımdı nemese şekteulı jauap bermeidı. Būl turaly el parlamentınıŋ Ūlttyq qauıpsızdık komitetınıŋ ökılı Hasan Qaşqavi aitty, dep habarlaidy «Adyrna» tılşısı «Anadolu» agenttıgıne sılteme jasap.
Onyŋ būl mälımdemesın eldıŋ memlekettık telearnasy jariialaǧan.
«Jau soǧysty bastaidy, bıraq ony aiaqtaityn İran bolady», – dedı Qaşqavi.
Aituynşa, İran qorǧanys jäne şabuyl jasau äleuetın damytuda aitarlyqtai jetıstıkke jetken. Sondai-aq qarsylasty tejeudıŋ belgılı bır deŋgeiıne qol jetkızgen.
Qaşqavi tıptı qysqa merzımdı şabuyldyŋ özı bırneşe künmen şektelmeitın jauap şaralaryna äkeletının eskerttı.
«Eger qarsylas İranǧa qarsy qandai da bır äreketke barsa, ony talai tosyn syi kütıp tūr», – dedı parlament ökılı.
Sonymen qatar ol İran özın älı de soǧys jaǧdaiynda dep sanaitynyn atap öttı. Al Tegerannyŋ qarsylastaryna öz aumaǧyn paidalanuǧa mümkındık beretın elder ötemaqy töleuge mäjbür bolatynyn aitty.
Eske salaiyq, AQŞ barlau qyzmetınıŋ boljamynşa, İrannyŋ arsenalynda 1500-den 2500-ge deiın ballistikalyq zymyran boluy mümkın. Tegeran soǧys qaita bastalǧan jaǧdaida olardy Taiau Şyǧystaǧy amerikalyq äskeri nysandarǧa soqqy beru üşın paidalanuy yqtimal. Būl turaly būǧan deiın The Wall Street Journal basylymy Vaşingtondaǧy derekközderge sılteme jasap habarlaǧan.
Gazet sūhbattastarynyŋ aituynşa, būl – şamamen alynǧan körsetkış. Sebebı İrannyŋ äskeri arsenalyn qalpyna keltıru auqymyn baqylau qiyndyq tuǧyzyp otyr.
Hasan Qaşqavi - bırneşe elde İrannnyŋ elşısı qyzmetın atqarǧan būrynǧy diplomat. Ol 1996-2000 jyldar aralyǧyndy İrannyŋ Qazaqstandaǧy elşısı bolǧan.
