Eýrazııalyq ekeý «qazaqty jarylqaımyz» deıdi

3323
Adyrna.kz Telegram

Áýeli resmı aqparat: Búgin prezıdent Toqaev Qazaqstannyń qazba-baılyqtaryna qojalyq etýshi ERG kompanııalar tobynyń akıonerleri Aleksandr Mashkevıch pen Patoh Shodıevti qabyldapty. Bul aqparatty Aqorda taratty.

Mashkevıch pen Shodıev prezıdent Toqaevqa eldegi taý-ken metallýrgııalyq korporaııasynyń ótken jylǵy qarjylyq hám óndiristik qyzmeti týraly esep qylyp, bıylǵy jyldyń birinshi toqsanyn qorytyndylap aıtyp beripti.

ERG kompanııalar toby Qazaqstanda jumys istegen 25 jyl ishinde óndiriske 13 mıllıard dollardan astam ınvestıııa salǵan eken. Al, áleýmettik baǵytqa 1 mıllıard dollardan asa qarjy jumsapty. Byltyr bıýdjetke 221 mıllıard teńge salyq tólepti. Oǵan qosa, Mashkevıch pen Shodıev birigip, koronavırýs indetimen kúreske 5,6 mıllıard teńge taǵy beripti. Bul aqsha Mashkevıch pen Shodıev kompanlııalary ornalasqan óńirlerge bólingen kórinedi.

Kezdesý barysynda aldaǵy josparlary jaıly sóılegen ekeý (ERG kompanııasy) Qazaqstanǵa taǵy 5,9 mıllıard dollar ınvestıııa salýǵa qulshynyp otyrǵandaryn aıtqan.

Mashkevıch

«Qańǵyp kelgen shúregeı, elge pana bolmaıdy». Qazaqtyń qazba baılyǵyn jekeshelendirip alǵan Evrazııa úshtiginiń (Mashkevıch, Shodıev, Ibragımov (sońǵysy marqum) bireýi Izraıl, ekeýi Belgııa azamattyǵyn alyp, qazaqtan irgesin aýlaq salǵan, biraz buryn.

Bishkekte bıotýalet salyp júrip, aqyry salpań etip Qazaqstanǵa qashyp kelgen, az ýaqyttyń ishinde Qazaqstannyń alıýmınıı óndirisin baýyryna basyp, álem alpaýyttarynyń qataryna qosylyp, ábden baıyǵan, Qazaqstannyń qazba baılyǵyna qojalyq jasap júrip, jer betindegi asa iri baılardyń tizimin jasap otyratyn «Forbes» jýrnalynyń turaqty keıipkerine aınalǵan, Shodıev, Ibargımov pen birigip «Eýrazııalyq top» quryp, qazaq bıliginiń «sponsory» bolǵan Aleksandr Mashkevıch – Izraıl azamaty. Óz týǵan ulty tóbesine tıtteı taqııa kıgizip, shaqyryp alǵan.

Áleýmettik jelidegi aqparatqa súıensek, Mashkevıchte Qazaqstan men Izraılden bólek Qyrǵyzstan jáne Kanada azamattyǵy jáne bar eken. Sóıtken Mashkevıch degen jóıt álginde ǵana qazaqqa, Qazaqstan halqyna «aqyl» aıtyp, qoǵamnyń ashýyn týdyrǵan edi.

Nursultan Nazarbaev qory uıymdastyrǵan forýmda Mashkevıch: «Qazaqstandyqtar osyndaı elde ómir súrip jatqany úshin Qudaıǵa shúkirlik aıtýy kerek», - dep sóılegen.

«Men qazir Brazılııadamyn. Munda bizdiń kompanııamyz eń iri jobalardyń birin júzege asyryp jatyr. Men Qazaqstannyń kóptegen azamattarynyń men júrip ótken onshaqty eldi júrip ótkenin qalar edim. Sonda olar óz elinde (Qazaqstanda) turyp jatqandaryna Qudaıǵa shúkirlik aıtyp, obektıvti baǵa berer edi», - degen edi Mashkevıch.

Shodıev

Al Ózbekstanda týǵan. Sovet odaǵy ydyraǵan tusta qazaqqa kelip kásip bastaǵan, áıgili dáý dókeı Patoh Shodıev - Belgııadan azamattyq alǵan.

Áleýmettik jelidegi aqparatta: «2002 jyldyń shilde aıynda Lakshmı Mıttal fırmasymen sybaılasa otyryp, Qazaqstannyń metallýrgııa kombınatyn óz qolyna birjola aldy», dep jazylǵan eken. Jyldyq tabysy – 3,7 mıllard dollar kóleminde. Qazaqstannyń «Barys», «Qurmet» ordenderimen marapattalǵan.

Mine, sol Shodıev ótken jyly koronavırýspen kúresý úshin Ózbekstanǵa qyrýar qarjy bóldi. BAQ Shodıev qory bólgen kómektiń somasy 200 mıllıon dollar ekenin jazdy. Al Shodıev qory: «Ózbekstannyń aqyldy da myqty halqy buryn-sońdy bolmaǵan bul qıyndyqty jeńetinine kúmán joq. Halyqaralyq Shodıev Qory búkil elde koronavırýstyń taralýyna qarsy tıimdi qoldaý kórsetý úshin bar kúshin salady», - dep málimdegen.

Bul – «baıdyń asyn baıqus qyzǵanadynyń» kebi emes, Qazaqstan arqyly baıyǵandardyń Ózbekstanǵa kómektesetinine qatysty yqsham oı. Rasynda, Qazaqstan álemge arzan shıkizat qosymshasy bolyp qana qoımaı, sonymen qatar kórshilerimiz úshin tegin aqsha paketine aınaldyq.

Endi mine, biri – jarty álemge jaıylǵan indetpen kúreste ózi týǵan Ózbekstanǵa qol sozyp, ekishisi – «qazaqtar Qudaıǵa shúkir desin», - degen ekeýi prezıdent Toqaevtyń qabyldaýyna kirip, «Qazaqstanǵa taǵy ınvestıııa salamyz, áleýmettik jobalardy kóbeıtemiz», - dep, ýádeni úıip-tógip, «qashpaǵan sıyrdyń ýyzyna» qaryq qylyp shyǵypty.

Nurgeldi ÁBDIǴANIULY 

"Adyrna" ulttyq portaly

Pikirler