Qytaı: Shekara mańyndaǵy AQSh-tyń bıologııalyq zerthanalaryn tekserý kerek

3222
Adyrna.kz Telegram

"Amerıka Qurama Shtattary Reseı men Qytaıdyń shekarasynda ornalasqan amerıkandyq áskerı bıologııalyq zerthanalardy qandaı maqsatta salǵanyna qatysty naqty suraqtarǵa áli kúnge deıin túsinikti jaýap bergen joq", dep málimdedi 12 mamyrda Qytaı syrtqy ister mınıstrliginiń ókili Hýa Chýnın.

Ol bul týraly Reseı Federaııasy Qaýipsizdik Keńesi hatshysynyń birinshi orynbasary Iýrıı Averıanovtyń Reseıge yqtımal bıologııalyq shabýyl týraly sózine túsinikteme berý barysynda aıtqan.

«Qytaı jaǵy birneshe ret AQSh-ty óziniń bıomılıtarızaııa saıasatyna qatysty naqty túsiniktemeler berýge shaqyrdy. Shyndyǵynda, bul kóptegen elderdi, sonyń ishinde Reseıdi de alańdatady. Biraq AQSh-tyń eshqandaı mándi jaýap bermeýi ókinishti», - dedi Qytaı SIM ókili.

Hýa Chýnın AQSh-tyń qarý-jaraqty baqylaýǵa sáıkestigi týraly jyl saıynǵy esebinde «AQSh-tyń barlyq qyzmeti Bıologııalyq qarý týraly konvenııanyń erejelerine sáıkes keledi» dep jazylǵanyn, biraq esepte Fort-Detrıktegi bıologııalyq áskerı zerthana týraly eshteńe aıtylmaǵanyn atap ótti. Onyń oıynsha bul halyqaralyq qaýymdastyqty oılandyrýy tıis.

Esterińizde bolsa Almaty qalasynda AQSh-tyń qarjylandyrýymen arnaıy zerthana salynǵan bolatyn. Zerthana 2010 jyly AQSh-tyń Nann-Lýgar baǵdarlamasy negizinde salyndy. Oǵan ondaǵan mıllıon dollar qarjy bólingen edi.

Almaty qalasy seısmıkalyq qaýipti aımaq, soǵan qaramastan tórt qabatty jeke ǵımarat 9 balldyq jer silkinisine tótep berýge qabiletti. Nysan zamanaýı qaýipsizdik júıesimen jabdyqtalǵan. Zerthanaǵa bıoqaýipsizdiktiń úshinshi deńgeıi berilgen. Zerthanada oba, tyrysqaq, sibir jarasy, brýellez jáne basqa qaýipti qozdyrǵyshtardyń shtamdary saqtalady.  Nysannyń ornynda buǵan deıin obaǵa qarsy ınstıtýttyń qoımasy bolǵan.

Zerthanany tolyq amerıkandyq deý qatelik. Onda qazaqstandyq mamandar, densaýlyq saqtaý mınıstrliginiń ókilderi, aýylsharýashylyq mınıstrligi, bilim jáne ǵylym mınıstrlikteriniń qyzmetkerleri jumys isteıdi.

Endi Qytaı ózine shekaralas ornalasqan elderde AQSh-tyń bıologııalyq zerthanalary bolsa, solardyń barlyǵyn tekserý kerek degen oıda. Bul oıdy Reseı saıasatkerleri de qoldap otyr.

Ashat QASENǴALI,

"Adyrna" ulttyq portaly

 

Pikirler