Europalyq parlamenttıŋ prezidentı Roberta Metsola İrannyŋ diplomatiialyq jäne özge de resmi ökılderınıŋ Europalyq parlament ǧimarattaryna kıruıne tolyq tyiym salynǧanyn jariialady. Būl turaly Sky News jazdy, dep habarlaidy "Adyrna".
Metsolanyŋ aituynşa, şeşım İran halqynyŋ qūqyqtary men bostandyqtary üşın jürgızıp jatqan küresıne qoldau bıldıru maqsatynda qabyldanǧan. Ol Europalyq parlamenttıŋ bilıktı küş qoldanu, repressiia jäne adam öltıru arqyly saqtap otyrǧan rejimdı zaŋdastyruǧa jol bermeitının atap öttı.
«İrannyŋ batyl halqy öz qūqyqtary men erkındıkterın qorǧaudy jalǧastyryp jatqanda, bız mūndai rejimmen kez kelgen resmi qatynasty şekteuge tiıspız», – dedı Roberta Metsola.
Atalǧan tyiym İrandaǧy soŋǧy ailarda küşeigen jappai narazylyqtar men adam qūqyqtarynyŋ būzyluyna bailanysty qabyldandy. Europalyq odaq ökılderı İran bilıgınıŋ narazylyqtardy küşpen basuyna alaŋdauşylyq bıldırıp keledı.
Būl şeşım Europalyq parlamenttıŋ adam qūqyqtaryn qorǧau men demokratiialyq qūndylyqtardy qoldauǧa baǧyttalǧan saiasi ūstanymyn taǧy bır märte aiqyndai tüstı.
Eske salaiyq, AQŞ-ta ornalasqan HRANA qūqyq qorǧau ūiymynyŋ deregınşe, İrandaǧy tärtıpsızdıkter barysynda 500-den astam adam qaza tauyp, 10 600-den astam adam ūstalǧan.
İrandaǧy şeruler 2025 jylǧy 28 jeltoqsanda bastaldy. Sol künı Tegerandaǧy düken ielerı ekonomikalyq jaǧdaidyŋ naşarlauyna qarsy narazylyq retınde sauda oryndaryn japty. Keiın aksiialarǧa basqa da ırı qalalardyŋ tūrǧyndary qosyldy.
30 jeltoqsan, seisenbı künı, narazylyq bıldıruşıler men polisiia arasyndaǧy alǧaşqy qaqtyǧystar tırkelıp, küş qūrylymdarynyŋ közden jas aǧyzatyn gaz qoldanǧany habarlandy. Köp ūzamai aksiialar saiasi sipat alyp, keibır qatysuşylar İrannyŋ ruhani köşbasşysy Äli Hameneige qatysty boluy mümkın «Diktatorǧa ölım!» degen ūrandar aita bastady. Narazylyqqa şyqqandar saiasi rejimnıŋ auysuyn jäne bilıkke Pehlevidıŋ keluın talap etude.
İran ekonomikasy 40 paiyzdyq infliasiiadan jäne Batys elderınıŋ sanksiialarynan qatty zardap şegıp otyr.
2 qaŋtar künı AQŞ prezidentı Truth Social jelısınde eger küş qūrylymdary auyr ekonomikalyq jaǧdai men joǧary infliasiiaǧa qarsy şyqqan beibıt şeruşılerge oq atsa, AQŞ aralasatynyn eskertken.
Keiınırek beibıt şeruler tärtıpsızdıkterge ūlasty. Tegeran merı Alireza Zakani 9 qaŋtarǧa qaraǧan tünı ötken aksiialar kezınde 50-den astam bank pen bırneşe memlekettık mekeme örtelıp, 30-dan astam meşıt otqa oranǧanyn mälımdedı.
